देवेंद्र फडणवीस काय म्हणाले?
राजेंद्र गावित यांचा भारतीय जनता पक्षात पुनर्प्रवेश झाला आहे. २०१८ मध्ये पालघर लोकसभा पोटनिवडणुकीत ते विजयी झाले. २०१९ मध्ये भाजपची शिवसेनेशी युती झाली, मात्र सेनेनेची पालघर देण्याची अट ठेवली होती. आम्हाला उमेदवारासह जागा द्या, असं त्यांनी सांगितलं. तेव्हा आम्ही गावितांना विनंती केली, त्यांनीही ती मान्य केली, त्यांनी पक्षांतर केलं आणि शिवसेनेकडून खासदार म्हणून निवडून आले, असं देवेंद्र फडणवीस सांगत होते.
मध्यंतरी स्थित्यंतरं झाली, त्यात एकनाथ शिंदेंसोबत राजेंद्र गावित राहिले. २०२४ साली पालघरची ही जागा पुन्हा भाजपला मिळाली. मात्र पक्षाचा निर्णय झाला, की राजेंद्र गावित यांचा उपयोग महाराष्ट्रात अधिक आहे. मंत्री-आमदार म्हणून त्यांना कामाचा अनुभव आहे, पक्षाला राज्यात त्यांचा जितका उपयोग आहे, तेवढा कदाचित दिल्लीत होणार नाही. कारण महाराष्ट्रात त्यांचा जनसंपर्क दांडगा आहे, त्यांना प्रशासनाची माहिती आहे, असंही फडणवीसांनी सांगितलं.
शिर्डीतील वंचितच्या उमेदवाराच्या गाडीवर दगडफेक, उत्कर्षा रुपवते थोडक्यात बचावल्याRead Latest Maharashtra News Updates And Marathi News
आम्ही राजेंद्र गावितांशी चर्चा केली, त्यांचा होकार आला, त्यांच्या संमतीनेच आम्ही उमेदवार बदलला, हेमंत सवरा यांना तिकीट दिलं. तांत्रिकदृष्ट्या ते शिवसेनेत असल्यामुळे आम्ही मुख्यमंत्र्यांशी चर्चा केली. त्यांना सांगितलं, की आम्हाला गावितांना परत घ्यायचं आहे, शिंदेंनीही संमती दिली, कारण त्यांना जुना इतिहास माहिती होता. त्यानुसार गावितांचा पुनर्प्रवेश होत आहे, असं फडणवीस म्हणाले.