नितीन सरदेसाई यांनी काय सांगितलं?
तीन तारखेला देवेंद्र फडणवीस आणि राज ठाकरे यांची भेट झाली. त्यानंतर पुन्हा त्यांची दोनदा चर्चा झाली. यावेळी फडणवीसांनी वैयक्तिक विनंती केली, की विधानपरिषद निवडणुकीच्या कोकण पदवीधर मतदारसंघातून भाजपने डावखरेंना उमेदवारी दिली आहे. त्यामुळे अभिजीत पानसेंनी माघार घ्यावी, असं नितीन सरदेसाई यांनी सांगितलं.
फडणवीसांच्या विनंतीला मान देत राज ठाकरेंनी निर्णय घेतला, की अभिजीत पानसे अर्ज भरणार नाहीत. निरंजन डावखरेंनी राज ठाकरेंचा आशीर्वाद घेतला, असंही सरदेसाई म्हणाले.
दरम्यान, पाठिंब्याबद्दल राज ठाकरे यांनी निक्षून सांगितलं की, अशी गोष्ट वारंवार होणार नाही. कारण आमचाही स्वतंत्र पक्ष आहे. राजकारणात बऱ्याच गोष्टी घडत असतात, ज्याचा पक्षाला होणारा फायदा कालांतराने दिसतो. निवडणुकीची तयारी खूप चांगली झाली होती. मात्र फडणवीसांच्या विनंतीला मान देत माघारीचा निर्णय घेतला. पक्षाला याचा फायदा नजीकच्या काळात दिसेल, असे सरदेसाई म्हणाले.
मनसेने कोकण पदवीधर मतदारसंघासाठी अभिजीत पानसे यांना उमेदवारी खूप आधीच जाहीर केली होती. त्यानंतर भाजपनेही ठाम भूमिका घेत आपल्या हक्काची जागा आपणच लढवणार असल्याची भूमिका घेतलेली. त्यामुळे लोकसभेला ‘बिनशर्त’ पाठिंबा देणाऱ्या मनसेसोबत भाजपचा सामना रंगणं अटळ मानलं जात होतं.
Krupal Tumane : ४२ जागांची जबाबदारी माझी, तुमानेंना तिकीट द्याल तर ४१, बावनकुळेंनी घातलेली शाहांना अट?Read Latest Maharashtra News Updates And Marathi News
खरं तर लोकसभा निवडणुकांच्या प्रचारात राज ठाकरेंना हिरीरीने सहभागी करुन घेतल्यानंतर कोकण पदवीधर मतदारसंघातील एका जागेसाठी तरी भाजप मनसेला पाठिंबा देईल, अशी अपेक्षा राजकीय वर्तुळातून व्यक्त केली जात होती, परंतु भाजपे मनसेलाच माघार घ्यायला लावत त्याला सुरुंग लावला आहे.