जगदीश रावत गुरुवारी, दुपारी चार वाजण्याच्या सुमारास घरात झोपले होते. तेव्हा तीन अज्ञात व्यक्तींनी बळजबरीने त्यांच्या घरात प्रवेश केला. त्यांनी रावत यांना धमकावत त्यांचे कपाट फोडले. त्या व्यक्तींनी आपल्या आणखी दोन साथीदारांना रावत यांच्या घरी बोलावून घेतले. या टोळक्याने घरातून जगदीश यांचा मोबाईल फोन, रोख रक्कम आणि दागिने चोरून नेले.घुसखोरी सुरू असताना जगदीश यांचा भाऊ तेथे आला आणि त्याने घराला बाहेरून कुलूप लावले.
जगदीशने चालाकी करत त्याच्या भावाला घुसखोरांबद्दल माहिती दिली. जगदीश व त्यांच्या भावाने तीन घुसखोरांना प्रभावीपणे घरात अडकवून ठेवले. पोलिसांना त्यांनी या घटनेची तत्काळ माहिती दिली. कोथरूड पोलिसांनी घटनास्थळी धाव घेत ३ घुसखोरांना आपल्या ताब्यात घेतले. तपासानंतर घुसखोरांच्या आणखी दोन साथीदारांना पोलिसांनी अटक केली. याप्रकरणी तपास अद्याप चालू असल्याचे पोलिसांनी सांगितले आहे. तसेच दोषींवर भारतीय दंड संहितेनुसार कलम ३९५ व कलम ३४२ अन्वये गुन्हा दाखल करण्यात आला आहे.
पुणे: चांदणी चौक परिसरात नोकरांच्या हुशारीमुळे दरोडेखोरांना पकडण्यात पोलिसांना यश आले आहे. एका टोळक्याने दुपारच्या सुमारास एका घरात घुसून चोरी करण्याचा प्रयत्न केला. पण दरोडेखोरांचा हा डाव नोकरांनी हाणून पाडला. नोकरांनी आपल्या चालाकीने दरोडेखोरांना घरात बंद करुन ठेवले व पोलिसांना या घटनेची माहिती दिली. कोथरूड पोलिसांनी दोषींना अटक करत त्यांच्यावर गुन्हा दाखल केला आहे. ही घटना गुरुवारी, २३ मे रोजी घडली.