पुणे: पुण्यातील तरुणासोबत अमेरिकेत दुर्दैवी घटना घडली आहे. या घटनेने परिसरात हळहळ व्यक्त करण्यात येत आहे. जिल्ह्यातील सिद्धांत पाटील हा तरुण ६ दिवसांपासून अमेरिकेत गायब आहे. अमेरिकेतील एका छोट्याशा नदीत चेहरा धुण्यासाठी तो वाकला. त्यामुळे तो पाय घसरून पडला, अशी माहिती सिद्धांत सोबतच्या मुलांनी पालकांना दिली आहे. आपला मुलगा सापडणार की नाही तसेच त्याची काही खबरबात मिळावी यासाठी मुलाच्या आई-वडिलांच्या डोळ्यातले पाणी थांबत नाही. मुलाच्या शोधासाठी पालकांनी या मुलाचा शोध घ्या, असे पत्र शरद पवार, केंद्रीय मंत्री मुरलीधर मोहळ आणि उपमुख्यमंत्री देवेंद्र फडणवीस आणि परराष्ट्र मंत्री एस. जयशंकर यांना लिहिलं आहे.
मिळालेल्या माहितीनुसार, सिद्धांत त्यांच्या मित्रांसह ग्लेशियर नॅशनल पार्कमध्ये गेला होता. तो हिमस्खलन तलावाच्या पायवाटेवर घाटाच्या वर चढत होता. तिथे तो एका मोठ्या खडकावरून हिमस्खलन खाडीत पडल्याचे सांगण्यात आले आहे. त्याच्यासोबत असलेल्या मित्रांनी सिद्धांतला वाहून जाताना पाहिले. यानंतर हेलिकॉप्टरने त्याचा हवाई शोध घेतला. परंतु अधिकाऱ्यांना सिद्धांतचा मृतदेह सापडला नाही. झाडे किंवा खडक यांसारख्या अडथळ्यांनी मृतदेह दाबून ठेवला जात असल्याचा रेंजर्सना संशय आहे. मात्र या घटनेत त्याचा मृत्यू झाल्याचा संशय व्यक्त करण्यात येत आहे. यामुळे त्याचे पालक चिंतेत आहेत.
मिळालेल्या माहितीनुसार, सिद्धांत त्यांच्या मित्रांसह ग्लेशियर नॅशनल पार्कमध्ये गेला होता. तो हिमस्खलन तलावाच्या पायवाटेवर घाटाच्या वर चढत होता. तिथे तो एका मोठ्या खडकावरून हिमस्खलन खाडीत पडल्याचे सांगण्यात आले आहे. त्याच्यासोबत असलेल्या मित्रांनी सिद्धांतला वाहून जाताना पाहिले. यानंतर हेलिकॉप्टरने त्याचा हवाई शोध घेतला. परंतु अधिकाऱ्यांना सिद्धांतचा मृतदेह सापडला नाही. झाडे किंवा खडक यांसारख्या अडथळ्यांनी मृतदेह दाबून ठेवला जात असल्याचा रेंजर्सना संशय आहे. मात्र या घटनेत त्याचा मृत्यू झाल्याचा संशय व्यक्त करण्यात येत आहे. यामुळे त्याचे पालक चिंतेत आहेत.
सिद्धांत पाटील हा कॅलिफोर्नियामध्ये राहून नोकरी करत होता. तो मित्रांसोबत सुट्टी असल्याने फिरण्यास गेला होता. तेव्हा ही त्याच्यासोबत दुर्दैवी घटना घडली आहे. ही घटना घडल्यानंतर पार्क कॅम्पग्राउंड कर्मचारी जवळजवळ तात्काळ घटनास्थळी पोहोचले. त्यानंतर सकाळी ९ वाजता रेस्क्यु टीमला पाचारण करण्यात आले. १० हून अधिक रेंजर्सने परिसराची पाहणी केली. परंतु तो अद्याप सापडला नाही. या घटनेची माहिती त्याच्या पालकांना समजताच त्यांना धक्का बसला आहे. सिद्धांतच्या आईवडिलांनी तो मिळावा यासाठी प्रयत्न करत आहे. याबाबत त्यांनी पत्रही लिहिले आहे. त्याच्या येण्याकडे आईवडिलांचे डोळे लागले आहेत.