या घटनेत दुचाकीवरील निलेश शिंदे हा तरुण गंभीर जखमी झाला आहे. या प्रकरणी पिंपरी पोलिसांनी सुशील भास्कर काळे या चारचाकी चालकाला अटक केली असून गुन्हा दाखल करण्यात आला आहे. मंगळवारी मध्यरात्री १ वाजता ही घटना पिंपरीतील टेल्को रोड घडली आहे.
याबाबत अधिक माहिती अशी की, निलेश शिंदे आणि सुशील काळे या दोघांचं एकाच मुलीवर प्रेम होते. या तरुणीचे सध्या सुशील सोबत प्रेमसंबंध असून निलेश पासून ती वेगळी झाली आहे. मात्र, ही गोष्ट निलेश याला समजल्याने तो मला मानसिक त्रास देत असल्याचं तरुणीने सांगितलं आहे. मंगळवारी रात्री एक्स बॉयफ्रेंड निलेश हा तरुणीला भेटण्यासाठी आला होता. ही माहिती प्रेयेसीने सुशील याला दिली. जेव्हा निलेश हा प्रेयसीसोबत बोलत होता. त्यावेळी सुशील याने चारचाकी निलेश याच्या अंगावर घातली. यात निलेश गंभीर जखमी झाला.
या घटनेने पिंपरी-चिंचवड परिसरात एकच खळबळ उडाली आहे. मात्र, प्रेम प्रकरणातून ही घटना घडल्याने एकच खळबळ उडाली आहे. पुण्यात पोर्शे कारचे प्रकरण ताजे असताना ही घटना घडल्याने पुण्यात कायदा आणि सुव्यवस्थेचे धिंडवडे उडाले असल्याचे पहायला मिळत आहे.