यावर राष्ट्रवादी अजित पवार गटाचे प्रदेशध्यक्ष सूरज चव्हाण यांनी टिप्पणी करत म्हटले आहे की, “मागील वर्धापनदिनी अजित पवारांनी पक्षाची जबाबदारी मागितली होती परंतु त्यांना दिली नाही पाटील स्वत:चा गट वाढवण्याला महत्त्व देतायत, एखादा नवीन चेहऱ्याला पक्षात संधी मिळावी, परंतु ते होताना दिसत नाही अनेक दिवसांपासुन संघटनेत काम करण्याची इच्छा असणारे रोहित पवार पण पुढच्या वर्धापनदिनापर्यंत कंटाळून अजित पवारांसारखाच निर्णय घेतील” असे भाकित चव्हाणांनी वर्तवले आहे.
आता चक्क राष्ट्रवादी काँग्रेसचे नेते आणि पुणे शहर अध्यक्ष दीपक मानकर यांनी जयंत पाटील यांना खुली ऑफर दिली आहे. “अपमान होत असताना तिथे राहू नका, अजित पवारांसोबत या योग्य सन्मान होईल,” असं म्हणत जयंत पाटलांना अजित पवार गटात सामील होण्याची ऑफर देण्यात आली आहे. तर दुसरीकडे सुनील तटकरेंनी जयंत पाटीलांच्या विधानावरुन शरद पवारांच्या राष्ट्रवादीवर सडकून टीका केली आहे. “राष्ट्रवादी शरद पवार गटाच्या प्रदेशध्याक्षांना लोकसभेच्या विजयानंतर पक्षाचे नेतृत्व शरद पवारांसमोर चार महिने द्या! विधानसभेनंतर राजीनामा देतो, असे सांगावे लागते तर त्यांचे विश्लेषण करायची मला गरज नाही, म्हणून काचेच्या घरात राहणाऱ्यांनी दुसऱ्यांच्या घरात दगड फेकू नये असे तटकरे म्हणाले. तसेच शरद पवार गटातील अनेकजण आमच्या संपर्कांत आहेत असा दावा तटकरेंनी केलाय.
अजित पवारांनी नुकत्याच पार पडलेल्या राष्ट्रवादीच्या वर्धापनदिनी राज्यसभेवर आपले तीन खासदार जाणार अशी ग्वाही कार्यकर्त्यांनी दिली होती. उद्या सकाळी अजित पवार गट राष्ट्रवादीच्या राज्यसभेवर जाणाऱ्या तीन उमेदवारांची नावे जाहीर करणार आहे. अशी माहिती सुनील तटकरे यांनी पत्रकार परिषदेत दिली. ज्यांना थेट राष्ट्रवादीकडून राज्यसभेवर पाठवण्यात येणार आहे, यामध्ये सुनेत्रा पवार यांच्या नावाचा समावेश असल्याची सूत्रांकडून माहिती मिळत आहे.