पुणे : खेड तालुक्यातील चाकण-शिक्रापूर रस्त्यावर असणाऱ्या शेल पिंपळगाव येथे गॅस चोरी करत असताना भीषण स्फोट झाल्याची घटना समोर आली आहे. आज पहाटेच्या सुमारास ही घटना घडली आहे. स्फोटात दोन गाड्या जळून खाक झाल्याची माहिती समोर आली आहे. तर यात सुदैवाने जीवितहानी टळली आहे.
घडले असे की, शेल पिंपळगाव परिसरात गॅस कंटेनर उभा होता. या गॅस कंटेनरमधून काही व्यक्ती घरगुती आणि कमर्शियल टाक्यांमध्ये गॅस चोरी करत होते. मात्र, अचानक या गॅस टाकीचा स्फोट झाला. हा स्फोट इतका भयानक होता की, आजूबाजूच्या परिसरात हादरा बसला. स्फोटामुळे मोठी आग लागली, ढाब्यासह तिथं पार्क असणाऱ्या इतर वाहनांना आग लागून ही आग पसरत गेली आणि आजूबाजूच्या घरांनाही घेरले. मात्र घटना घडल्यानंतर गॅस चोरी करणारे घटनास्थळावरून पसार झाले आहेत.
घटनेची माहिती मिळताच चाकण पोलिस घटनास्थळी दाखल झाले असून पोलिसांकडून तपासकार्य सुरू आहे. काही दिवसांपूर्वी पिंपरी चिंचवड येथे देखील असाच गॅस स्फोट झाला होता. तेव्हा देखील गॅस चोरीचा प्रयत्न झाल्याचे समोर आले होते. यामुळे नागरिकांना आपला जीव गमविण्याची देखील वेळ येऊ शकते. तर या गॅस तस्करांवर आळा घालणे गरजेचे आहे, अशी मागणी होतेय.
Pune News : जिल्हा प्रशासनाकडून टँकर मंजुरीच्या अधिकारांचे विकेंद्रीकरण, प्रांताधिकाऱ्यांच्या हाती अधिकार
सदर घटना अंगावर शहारे आणणारी अशीच होती. दिवसाढवळ्या असा प्रकार घडला असता तर मोठी हानी देखील होण्याची शक्यता होती, असे मत प्रत्यक्षदर्शी नागरिकांनी व्यक्त केले आहे. गॅस चोरी करणाऱ्यांवर कठोर कारवाई करावी, अशी मागणी स्थानिक नागरिकांमधून जोर धरु लागली आहे.
घडले असे की, शेल पिंपळगाव परिसरात गॅस कंटेनर उभा होता. या गॅस कंटेनरमधून काही व्यक्ती घरगुती आणि कमर्शियल टाक्यांमध्ये गॅस चोरी करत होते. मात्र, अचानक या गॅस टाकीचा स्फोट झाला. हा स्फोट इतका भयानक होता की, आजूबाजूच्या परिसरात हादरा बसला. स्फोटामुळे मोठी आग लागली, ढाब्यासह तिथं पार्क असणाऱ्या इतर वाहनांना आग लागून ही आग पसरत गेली आणि आजूबाजूच्या घरांनाही घेरले. मात्र घटना घडल्यानंतर गॅस चोरी करणारे घटनास्थळावरून पसार झाले आहेत.
घटनेची माहिती मिळताच चाकण पोलिस घटनास्थळी दाखल झाले असून पोलिसांकडून तपासकार्य सुरू आहे. काही दिवसांपूर्वी पिंपरी चिंचवड येथे देखील असाच गॅस स्फोट झाला होता. तेव्हा देखील गॅस चोरीचा प्रयत्न झाल्याचे समोर आले होते. यामुळे नागरिकांना आपला जीव गमविण्याची देखील वेळ येऊ शकते. तर या गॅस तस्करांवर आळा घालणे गरजेचे आहे, अशी मागणी होतेय.
Pune News : जिल्हा प्रशासनाकडून टँकर मंजुरीच्या अधिकारांचे विकेंद्रीकरण, प्रांताधिकाऱ्यांच्या हाती अधिकारसदर घटना अंगावर शहारे आणणारी अशीच होती. दिवसाढवळ्या असा प्रकार घडला असता तर मोठी हानी देखील होण्याची शक्यता होती, असे मत प्रत्यक्षदर्शी नागरिकांनी व्यक्त केले आहे. गॅस चोरी करणाऱ्यांवर कठोर कारवाई करावी, अशी मागणी स्थानिक नागरिकांमधून जोर धरु लागली आहे.