पुणे: पोर्शे कार अपघात प्रकरणाचा तपास योग्य दिशेनं सुरु आहे. पोलिसांवर कोणताही दबाव नाही, असं पुण्याचे पोलीस आयुक्त अमितेश कुमार यांनी सांगितलं. अपघातावेळी कार अल्पवयीन मुलगा नव्हे, तर ड्रायव्हर चालवत असल्याचा बनाव रचण्यात आला. पण आमचा त्यावर विश्वास नाही, असं कुमार म्हणाले. कल्याणीनगरमध्ये शनिवारी मध्यरात्री पोर्श कारनं भरधाव वेगात दुचाकीला धडक दिली. त्यात दोघांचा मृत्यू झाला. कार चालवणारा आरोपी अल्पवयीन असल्याची, कारची नोंदणी आरटीओकडे नसल्याची माहिती पुढे आली आहे.
या प्रकरणात कलम ३०४ लावण्यास उशीर का झाला त्याची चौकशी सुरु आहे. अल्पवयीन मुलाचे ब्लड रिपोर्ट आम्हाला मिळालेले नाहीत. आम्ही त्यावर अवलंबूनही नाही. या केसची दिशाच वेगळी आहे. मुलगा दारुच्या आहारी गेल्याचा दावा त्याच्या कुटुंबाकडून, वकिलांकडून केला जात आहे. पण आमचा युक्तिवाद पूर्णपणे वेगळा आहे. ज्यावेळी गुन्हा घडला त्यावेळी आरोपी शुद्धीत होता. आपण भरधाव वेगात कार चालवतोय याची त्याला कल्पना होती. आपल्या हातून गुन्हा घडू शकतो याची जाणीव त्याला होती. त्यानं शुद्धीत असताना हा गुन्हा केला. ही बाब न्यायालयात सिद्ध झाल्यास त्याला १० वर्षांची शिक्षा होईल. हा गुन्हा अजामीनपात्र असेल, असं अमितेश कुमार यांनी सांगितलं.
आरोपीनं बेसुमार मद्यपान केलं होतं. त्यामुळे आपण काय करतोय याची त्याला कल्पना नव्हती, असा युक्तिवाद त्याच्या वकिलाकडून केला जात आहे. पण वस्तुस्थिती तशी नाही. आपल्या हातून अपघात होऊ शकतो याची कल्पना त्याला होती. परिणामांची जाणीव असतानाही त्यानं गुन्हा केला, याकडे पोलीस आयुक्तांनी लक्ष वेधलं. या प्रकरणात आम्ही सगळे पुरावे गोळा करत आहोत. आरोपी घरातून बाहेर पडला, तेव्हा तो कार घेऊन निघाल्याची नोंद सुरक्षा रक्षकाकडे होती. आरोपीचं घर ते रेस्टॉरंट, पब आणि मग तिथून अपघातस्थळ, या मार्गावरील सीसीटीव्ही फुटेज आम्ही गोळा करत आहोत, अशी माहिती त्यांनी दिली.
Pune Car Accident: तासभर TV पाहतोय, २ तास खेळतोय; पोर्शेनं दोघांना चिरडणारा आरोपी सध्या काय काय करतोय?
रविवारी सकाळी आठच्या सुमारास या प्रकरणात गुन्हा दाखल झाला. नऊच्या सुमारास आरोपीला ब्लड रिपोर्टसाठी ससूनला नेण्यात आलं. सकाळी ११ वाजता त्याच्या रक्ताचे नमुने घेण्यात आले. त्याच्या रक्ताची दुसरी चाचणी संध्याकाळी ७ ते ८ च्या दरम्यान घेण्यात आली. ती डीएनएसाठी घेण्यात आली होती, असा घटनाक्रम आयुक्तांनी सांगितला. अपघातावेळी पोर्शे कार ड्रायव्हर चालवत असल्याचं भासवण्यात आलं. दिशाभूल करण्याचा प्रयत्न झाला. पण तो निष्फळ ठरला. ड्रायव्हर कार चालवत होता यावर आमचा विश्वास नाही, असं म्हणत कुमार यांनी आरोपीकडून मांडण्यात आलेली थिअरी फेटाळली. चालक कोणाच्या दबावाखाली बोलत होता, ते योग्य वेळी सांगू असंही ते पुढे म्हणाले.
या प्रकरणात कलम ३०४ लावण्यास उशीर का झाला त्याची चौकशी सुरु आहे. अल्पवयीन मुलाचे ब्लड रिपोर्ट आम्हाला मिळालेले नाहीत. आम्ही त्यावर अवलंबूनही नाही. या केसची दिशाच वेगळी आहे. मुलगा दारुच्या आहारी गेल्याचा दावा त्याच्या कुटुंबाकडून, वकिलांकडून केला जात आहे. पण आमचा युक्तिवाद पूर्णपणे वेगळा आहे. ज्यावेळी गुन्हा घडला त्यावेळी आरोपी शुद्धीत होता. आपण भरधाव वेगात कार चालवतोय याची त्याला कल्पना होती. आपल्या हातून गुन्हा घडू शकतो याची जाणीव त्याला होती. त्यानं शुद्धीत असताना हा गुन्हा केला. ही बाब न्यायालयात सिद्ध झाल्यास त्याला १० वर्षांची शिक्षा होईल. हा गुन्हा अजामीनपात्र असेल, असं अमितेश कुमार यांनी सांगितलं.
आरोपीनं बेसुमार मद्यपान केलं होतं. त्यामुळे आपण काय करतोय याची त्याला कल्पना नव्हती, असा युक्तिवाद त्याच्या वकिलाकडून केला जात आहे. पण वस्तुस्थिती तशी नाही. आपल्या हातून अपघात होऊ शकतो याची कल्पना त्याला होती. परिणामांची जाणीव असतानाही त्यानं गुन्हा केला, याकडे पोलीस आयुक्तांनी लक्ष वेधलं. या प्रकरणात आम्ही सगळे पुरावे गोळा करत आहोत. आरोपी घरातून बाहेर पडला, तेव्हा तो कार घेऊन निघाल्याची नोंद सुरक्षा रक्षकाकडे होती. आरोपीचं घर ते रेस्टॉरंट, पब आणि मग तिथून अपघातस्थळ, या मार्गावरील सीसीटीव्ही फुटेज आम्ही गोळा करत आहोत, अशी माहिती त्यांनी दिली.
Pune Car Accident: तासभर TV पाहतोय, २ तास खेळतोय; पोर्शेनं दोघांना चिरडणारा आरोपी सध्या काय काय करतोय?रविवारी सकाळी आठच्या सुमारास या प्रकरणात गुन्हा दाखल झाला. नऊच्या सुमारास आरोपीला ब्लड रिपोर्टसाठी ससूनला नेण्यात आलं. सकाळी ११ वाजता त्याच्या रक्ताचे नमुने घेण्यात आले. त्याच्या रक्ताची दुसरी चाचणी संध्याकाळी ७ ते ८ च्या दरम्यान घेण्यात आली. ती डीएनएसाठी घेण्यात आली होती, असा घटनाक्रम आयुक्तांनी सांगितला. अपघातावेळी पोर्शे कार ड्रायव्हर चालवत असल्याचं भासवण्यात आलं. दिशाभूल करण्याचा प्रयत्न झाला. पण तो निष्फळ ठरला. ड्रायव्हर कार चालवत होता यावर आमचा विश्वास नाही, असं म्हणत कुमार यांनी आरोपीकडून मांडण्यात आलेली थिअरी फेटाळली. चालक कोणाच्या दबावाखाली बोलत होता, ते योग्य वेळी सांगू असंही ते पुढे म्हणाले.
पोलिसांकडून तपास सुरु असताना राष्ट्रवादीचे आमदार सुनील टिंगरे पोलीस ठाण्यात आलेले का, असा सवाल त्यांना विचारण्यात आला. ‘आमदार पोलीस ठाण्यात आले होते. त्यांची भेट रेकॉर्डवर आहे. पण त्यानंतरही पोलिसांनी तपासाची दिशा बदलली नाही,’ असं कुमार यांनी सांगितलं. या प्रकरणात दोन एफआयआर दाखल का करण्यात आल्या, असा प्रश्नही त्यांना विचारण्यात आला. त्यावर पहिला एफआयआर सकाळी ८ वाजता नोंदवण्यात आला. त्यानंतर प्रकरणाचं गांभीर्य पाहून ३ तासांनी एफआयआरमधील कलम वाढवण्यात आलं, अशी माहिती आयुक्तांनी दिली. आरोपीला पोलिसांकडून पिझ्झा, बर्गर देण्यात आले का, असाही प्रश्न कुमार यांना विचारला गेला. त्यावर चौकशीत तसं आढळून आलेलं नसल्याचं उत्तर त्यांनी दिलं.