प्रशांत श्रीमंदिलकर, पुणे (खेड) : खेड, जुन्नर, आंबेगाव, शिरूर या तालुक्यांमध्ये बिबट्याचं वास्तव्य मानवी वस्तीमध्ये दिवसेंदिवस वाढताना पाहायला मिळत आहे. नुकतंच राजगुरुनगर शहराला वीज पुरवठा करणाऱ्या महावितरणच्या कार्यालयामध्ये चक्क बिबट्या शिरला असल्याची घटना समोर आली आहे. या घटनेने तिथे काम करणाऱ्या महावितरणाच्या कर्मचाऱ्यांना चांगलाच घाम फुटला आहे. या बिबट्याला पाहण्यासाठी एकच गर्दी झाली आहे. या घटनेचा व्हिडिओ सोशल मीडियावर देखील व्हायरल झाला आहे.
राजगुरुनगर जवळ असलेल्या चांडोली परिसरात महावितरणचं कार्यालय आहे. या कार्यालयात आज सकाळच्या सुमारास अडगळीच्या जागेमध्ये बिबट्या शिरला असल्याचं पाहायला मिळालं. मागच्या काही दिवसांपासून एक बिबट्या आपल्या बछड्यांसह या महावितरण कार्यालय परिसरामध्ये असल्याचं अनेकांनी पाहिलं होतं. मात्र आज बुधवारी १० जुलै रोजी थेट महावितरण कार्यालयामध्येच बिबट्या शिरल्याचं दिसल्याने एकच खळबळ उडाली आहे.
या बिबट्याला महावितरण कार्यालयातील कर्मचाऱ्यांनी त्या रूममध्ये कोंडल्याचं पाहायला मिळालं. कार्यालयात घुसलेल्या बिबट्याला पकडण्यासाठी रेस्क्यू टीमला पाचरण करण्यात आलं असून लवकरात लवकर बिबट्याला पकडण्यात येणार आहे. बुधवारी सकाळपासूनच हा बिबट्या महावितरण कार्यालयामध्ये ठाण मांडून बसला असल्याने कर्मचाऱ्यांना या ठिकाणी काम करणं अवघड वाटत आहे. तसंच बिबट्याला महावितरणाच्या कार्यालयात बंद केल्यानंतर तेथील नागरिक, कर्मचाऱ्यांमध्ये भीतीचं वातावरण आहे. मात्र बिबट्याला खोलीत बंद केल्याने अनेकांनी सुटकेचा नि:श्वास सोडला आहे.
राजगुरुनगर जवळ असलेल्या चांडोली परिसरात महावितरणचं कार्यालय आहे. या कार्यालयात आज सकाळच्या सुमारास अडगळीच्या जागेमध्ये बिबट्या शिरला असल्याचं पाहायला मिळालं. मागच्या काही दिवसांपासून एक बिबट्या आपल्या बछड्यांसह या महावितरण कार्यालय परिसरामध्ये असल्याचं अनेकांनी पाहिलं होतं. मात्र आज बुधवारी १० जुलै रोजी थेट महावितरण कार्यालयामध्येच बिबट्या शिरल्याचं दिसल्याने एकच खळबळ उडाली आहे.
या बिबट्याला महावितरण कार्यालयातील कर्मचाऱ्यांनी त्या रूममध्ये कोंडल्याचं पाहायला मिळालं. कार्यालयात घुसलेल्या बिबट्याला पकडण्यासाठी रेस्क्यू टीमला पाचरण करण्यात आलं असून लवकरात लवकर बिबट्याला पकडण्यात येणार आहे. बुधवारी सकाळपासूनच हा बिबट्या महावितरण कार्यालयामध्ये ठाण मांडून बसला असल्याने कर्मचाऱ्यांना या ठिकाणी काम करणं अवघड वाटत आहे. तसंच बिबट्याला महावितरणाच्या कार्यालयात बंद केल्यानंतर तेथील नागरिक, कर्मचाऱ्यांमध्ये भीतीचं वातावरण आहे. मात्र बिबट्याला खोलीत बंद केल्याने अनेकांनी सुटकेचा नि:श्वास सोडला आहे.
बिबट्याच्या एंट्रीने पुण्यात खळबळ;वारजेत रंगला थरार,इमारतीत बिबट्या घुसल्याने नागरिक धास्तावले
दरम्यान, गेल्या काही दिवसांपासून खेड तालुक्यात अनेक ठिकाणी बिबट्या दिसू लागले आहेत. मानवी वस्तीवर त्यांचा जास्त वावर पाहायला मिळत आहे. मागील अनेक महिन्यांपासून महाराष्ट्रभरातील अनेक जिल्ह्यांमध्ये बिबट्या वाडी-वस्त्यांमध्ये येत असल्याचं अनेकदा समोर आलं आहे. जुन्नर, कोकण तसंच अनेक ठिकाणी बिबट्याने मोठ्या माणसांसह लहान चिमुकल्यांवरही हल्ल्या केल्याच्या दुर्दैवी घटना घडल्या आहेत. बिबट्याच्या हल्ल्यांमध्ये आतापर्यंत अनेकांना आपला जीव गमवावा लागला आहे. बिबट्याच्या अशा खुल्या वावरामुळे अनेक ठिकाणी बिबट्या फिरत असलेल्या ठिकाणी नागरिकांमध्ये भीतीचं वातावरण परसलं आहे.