Vegetable Rates : घेवडा, मटारच्या दरांत वाढ; पालेभाज्यांच्या दरात घट, मतदानामुळे आज मार्केटयार्ड बंद

म. टा प्रतिनिधी, पुणे : सिमला मिरची, घेवडा आणि मटारच्या दरांत वाढ झाली आहे. शेवगा आणि भुईमुग शेंगाच्या दरांत दहा टक्क्यांनी घट झाली आहे. अन्य सर्व फळभाज्यांचे दर स्थिर आहेत. अवकाळी पाऊस आणि मतदानामुळे आज, सोमवारी मार्केटयार्ड बंद आहे़ त्यामुळे बाजारात फळभाज्यांची रविवारी मोठ्या प्रमाणात आवक झाली.गुलटेकडी येथील पुणे कृषी उत्पन्न बाजार समितीच्या छत्रपती श्री शिवाजी मार्केट यार्डमध्ये रविवारी राज्यासह परराज्यांतून भाजीपाल्याची सुमारे ११० ट्रक आवक झाली. पावसामुळ‌े भाज्यांची आवक घटण्याची शक्यता आहे. कर्नाटक, गुजरात आणि आंध्र प्रदेश येथून हिरवी मिरची सुमारे १० ते १२ टेम्पो, कर्नाटक आणि आंध्रप्रदेशातून तोतापुरी कैरी चार हजार टेम्पो, कर्नाटक आणि गुजरात येथून कोबी प्रत्येकी चार ते पाच टेम्पो, कर्नाटक येथून घेवडा तीन ते चार टेम्पो, हिमाचल प्रदेशातून मटार पाच ट्रक, कर्नाटक पावटा तीन टेम्पो आणि बेळगाव येथून भुईमूग शेंगा दोन टेम्पो, आंध्र प्रदेश आणि तमिळनाडू येथून शेवगा पाच ते सहा टेम्पो, मध्य प्रदेशातून लसणाची सुमारे नऊ टेम्पो आवक झाली.

Pune Crime : पोलिस असल्याची बतावणी; दागिने ठेवण्याचा बहाणा, मॉर्निंग वॉकसाठी गेलेल्यांना लुटले
स्थानिक भागातून सातारी आले सुमारे ५०० ते ६०० गोणी, भेंडी आणि गवार प्रत्येकी सात ते आठ टेम्पो, टोमॅटो १० हजार क्रेट, हिरवी मिरची चार ते पाच टेम्पो, सिमला मिरची १० ते १२, काकडी सात ते १० टेम्पो, कोबी पाच ते सहा टेम्पो, फ्लॉवर आठ ते १० टेम्पो, भुईमूग शेंगा १२५ गोणी, तांबडा भोपळा १० ते १२ टेम्पो, गावरान कैरी पाच-सहा टेम्पो, शेवगा दोन ते तीन टेम्पो, कांदा सुमारे ८० ट्रक, इंदूर, आग्रा, स्थानिक भागातून बटाट्याची ४५ टेम्पो आवक झाली.

पालेभाज्या स्वस्त

कोथिंबीर, मेथी, कांदापात, चुका या भाज्यांच्या दरात पाच ते १० टक्क्यांनी घट झाली आहे. पालेभाज्यांचे दर स्थिर असल्याची माहिती व्यापाऱ्यांनी दिली. कोथिंबिरीच्या सुमारे दीड लाख जुड्या; तसेच मेथीची ६० हजार जुड्यांची आवक झाली.

चिकू महागले; मोसंबी, लिंबे स्वस्त

फळबाजारात रविवारी चिकूच्या दरांत वाढ झाली. मोसंबी आणि लिंबाच्या दरात घट झाली. अननस, डाळिंब, संत्री, कलिंगड, खरबूज आणि पपईचे दर स्थिर असल्याची माहिती व्यापाऱ्यांनी दिली़ मोसंबी २० ते २५ टन, अननस सहा ट्रक, संत्री चार ते पाच टन, डाळिंब २० ते २५ टन, पपई सात ते आठ टेम्पो, लिंबांची सुमारे दीड हजार ते दोन हजार गोणी, कलिंगड २० ते ३० टेम्पो, खरबूज नऊ ते १० टेम्पो, चिकूच्या दोन हजार बॉक्सची आवक झाली. कोकणातील हापूस आंब्याची सुमारे दीड ते दोन हजार पेट्या आवक झाली.

फळांचे दर पुढीलप्रमाणे – लिंबे (प्रतिगोणी) : ३००-१३००, मोसंबी : (तीन डझन): १८०- ३२०, (चार डझन) : ७०-२००, संत्री : (१० किलो) : २००-१०००, डाळिंब (प्रतिकिलो) : भगवे : २०-२५, आरक्त : १०-५०, गणेश : पाच-२५, कलिंगड : पाच-१५, खरबूज : २२-२८, पपई : आठ-१५, चिकू (दहा किलो) : १००-५००, अननस (एक डझन) १००-६००. रत्नागिरी हापूस (कच्चा) चार ते सात डझन १५०० ते ३००० रुपये.

फुलांचे दर स्थिर

बाजारात सर्व प्रकारच्या फुलांची आवक मागील आठवड्याच्या तुलनेत वाढली आहे़ सातारा आणि सोलापूर जिल्ह्यातून फुलांची आवक मोठ्या प्रमाणात झाली आहे़ मागणी चांगली असल्याने सर्वच फुलांचे दर स्थिर असल्याची माहिती व्यापाऱ्यांनी दिली. फुलांचे प्रतिकिलोचे दर पुढीलप्रमाणे – झेंडू : ३०-६०, गुलछडी : १४०-१८०, अ‍ॅस्टर : जुडी ३०-४०, शेवंती : १५०-२५०, (गड्डीचे भाव) गुलाबगड्डी : ४०-६०, गुलछडी काडी : ५०-१००, डच गुलाब (२० नग) : ८०-१२०, जर्बेरा : २०-४०, कार्नेशियन : १००-१५०, शेवंती काडी १५०-२५०, लिलियम (१० काड्या) ८००-१२००, ऑर्किड ४००-५०० रुपये.