Top 5 Rich Candidates for Lok Sabha Election: लोकसभा निवडणुकीच्या पाचव्या टप्प्यात या 5 श्रीमंत उमेदवारांचे भवितव्य पणाला

मुंबई : देशभरात सध्या लोकसभा निवडणुकीसाठी मतदान प्रक्रिया सुरू आहे. देशातील कोट्यवधी मतदार मोठ्या संख्येने मतदान केंद्रावर जात असताना या वेळच्या निवडणुकांमध्ये अनेक पक्ष आणि हजारो उमेदारांचे भवितव्य पणाला लागले आहे. आतापर्यंत चार टप्प्यात मतदान प्रक्रिया पार पडली असून, आज सोमवारी २० मे रोजी मुंबई आणि ठाणेसह राज्यातील देशभरातील इतर राज्यातील शहरांमध्ये पाचव्या टप्पात मतदान होणार आहे. यावेळी सहा राज्ये आणि दोन केंद्रशासित प्रदेशातील ४९ मतदार संघात मतदान होणार असून यावेळीही अनेक श्रीमंत उमेदवार आपले नशीब आजमावतील.

लोकसभेच्या रिंगणात श्रीमंत उमेदवार

निवडणुक व्यवस्थेत प्रत्येक उमेदवाराला स्वतःच्या आणि कुटुंबाच्या संपत्तीची माहिती निवडणूक आयोगाला देणे अनिवार्य आहे. यावरून उमेद्वाराबाबत स्पष्टता आणि त्याच्या संपत्तीबाबत मतदारांना माहिती मिळते. आता २० मे रोजी मतदानाच्या पाचव्या टप्प्यातील सर्वात श्रीमंत उमेदवार झाशी मतदार संघातून भाजपचे अनुराग शर्मा उभे आहेत तर या यादीत उत्तर मुंबईतील भाजपचे उमेदवार पियुष गोयल यांचाही समावेश आहे.
लोकसभा निवडणुकीबाबत मोठी अपडेट: मतदान सुरू असताना सर्वोच्च न्यायालयाने आयोगाला दिले हे महत्त्वाचे आदेश
असोसिएशन फॉर डेमोक्रॅटिक रिफॉर्म्सच्या (ADR) अहवालानुसार, अनुराग शर्मा टॉप-5 श्रीमंत उमेदवारांमध्ये पहिल्या क्रमांकावर असून त्यांच्यासमोर काँग्रेसचे प्रदीप जैन आदित्य आहेत, ज्यांची सुमारे तीन कोटी रुपयांची मालमत्ता आहे. तसेच उत्तर मुंबई (महाराष्ट्र) मतदारसंघातून निवडणुकीच्या रिंगणात उतरलेले पियुष गोयल या यादीत तिसऱ्या क्रमांकावर असून उत्तर मुंबईतून पियुष गोयल यांच्या विरोधात काँग्रेसचे भूषण पाटील निवडणूक लढवत आहेत.
सर्वसामान्य कुटुंबातील, चळवळीतून पुढे आलेल्या तरुणांना लोकसभेचे तिकीट, मार्क्सवाद्यांची मदार तरुण नेतृत्वावर
पाचव्या टप्प्यातील निवडणुकीमध्ये नशीब आजमावणारे ५ श्रीमंत उमेदवार कोण आहेत जाणून घेऊया…