Today Top 10 Headlines in Marathi: ‘या’ जिल्ह्यांना पावसाचा यलो अलर्ट, फडणवीसांबाबत केंद्रीय नेतृत्वाचं स्पष्टीकरण; वाचा सकाळच्या दहा हेडलाईन्स

१. मान्सूनचं जोरदार कमबॅक, ‘या’ जिल्ह्यांना पावसाचा यलो अलर्ट

मान्सूनने राज्यात ब्रेक घेतल्यानंतर आत पुन्हा एकदा राज्यातील बहुतांश भागात पावसाचा जोर वाढला आहे. दोन दिवसांपासून मुंबईसह काही भागात दमदार पाऊस सुरु आहे. तर हवामान विभागाने आज अनेक जिल्ह्यांना मुसळधार तर कुठे हलक्या सरींचा इशारा दिला आहे. अधिक बातमी सविस्तर वाचा

२. ‘एक अकेला देवेंद्र’ जबाबदार नाही

लोकसभा निवडणुकीत जे झाले, तो भूतकाळ आहे. लोकसभेतील अपयशाची जबाबदारी सामुदायिक आहे. त्यासाठी एकट्या देवेंद्र फडणवीस यांना जबाबदार धरण्यात अर्थ नाही’, असे सांगत भाजप केंद्रीय नेतृत्वाने महाराष्ट्रातील भाजप नेत्यांना दिलासा देण्याचा प्रयत्न केला. मात्र, आगामी विधानसभा निवडणुका एकत्रितपणे लढवताना महायुतीच्या नेत्यांबरोबरच पक्षातील नेत्यांशीही संवाद ठेवा; सारे काही मीच करणार, अशी भूमिका न घेता पक्षाच्या नेत्यांमध्ये जबाबदाऱ्यांचे विकेंद्रीकरण करा, असे सांगत केंद्रीय नेतृत्वाने राज्यातील नेत्यांचे कानही टोचले आहेत. अधिक बातमी सविस्तर वाचा

३. दादू, मोदींना पाठिंबा देताना तुम्ही काय काढलेलंत?

शिवसेना (उबाठा) पक्षप्रमुख उद्धव ठाकरे यांनी मनसे अध्यक्ष राज ठाकरे यांचे नाव न घेता त्यांच्यावर टीका केली. मनसे अध्यक्ष राज ठाकरे यांनी लोकसभा निवडणुकीच्या वेळी महायुतीला बिनशर्त पाठिंबा दिला होता. त्याचा संदर्भ देत उद्धव ठाकरे म्हणाले, की या निवडणुकीत आपले कोण आणि परके कोण दिसले. काही लोकांनी तर उद्धव ठाकरे नको म्हणून ‘बिनशर्ट’ पाठिंबा दिला. उघड पाठिंबा म्हणजेच ‘बिनशर्ट’ पाठिंबा असतो, असा खोचक टोला त्यांनी राज ठाकरे यांना लगावला.

४. ‘ए़नडीएमध्ये पुन्हा कधीच जाणार नाही’ – उद्धव ठाकरे

‘आमच्यावर शिंदे गटाकडून शहरी माओवादाचा आरोप केला जात आहे. मात्र, तुम्ही तपास यंत्रणा, सरकारी यंत्रणांचा गैरवापर करीत असून, सत्तेचा दुरुपयोग करणे हे शहरी माओवादापेक्षा भयानक आहे. त्यामुळे तुम्हीच खरे माओवादी आहात,’ अशा शब्दांमध्ये शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी पंतप्रधान नरेंद्र मोदी आणि मुख्यमंत्री एकनाथ शिंदे यांना बुधवारी लक्ष्य केले. लोकशाही, संविधान वाचविणे दहशतवाद असेल, तर मी दहशतवादवादी आहे, असेही ठाकरे म्हणाले.

५. उद्धव ठाकरेंची नरेंद्र मोदी आणि एकनाथ शिंदेंवर टीका

‘आमच्यावर शिंदे गटाकडून शहरी माओवादाचा आरोप केला जात आहे. मात्र, तुम्ही तर तपासयंत्रणा, सरकारी यंत्रणांचा गैरवापर करीत असून, सत्तेचा दुरुपयोग करणे हे शहरी माओवादापेक्षा भयानक आहे. त्यामुळे तुम्हीच खरे माओवादी आहात’, असे प्रत्युत्तर शिवसेना (उबाठा) पक्षप्रमुख उद्धव ठाकरे यांनी देत पंतप्रधान नरेंद्र मोदी आणि मुख्यमंत्री एकनाथ शिंदे यांना बुधवारी लक्ष्य केले. लोकशाही, संविधान वाचविणे जर आतंकवाद असेल, तर मी आतंकवादी आहे, असेही ठाकरे म्हणाले.

६. मुंबईकरांसाठी कामाची बातमी

आयुर्मान पूर्ण झालेल्या आणि धोकादायक शीव रेल्वे उड्डाणपुलाचे पाडकाम तीन वेळा पुढे ढकलल्यानंतर, आता पुन्हा एकदा मध्य रेल्वेने पूल पाडण्याची तयारी सुरू केली आहे. उद्या, शुक्रवारी मध्यरात्री १२ वाजल्यानंतर या पुलाचा वापर जड वाहतुकीसाठी बंद करण्याचा निर्णय मध्य रेल्वेने घेतला आहे. तसा प्रस्ताव संबंधित विभागांकडे पाठवण्यात आला आहे. यामुळे अवजड वाहनांना पर्यायी मार्गाने धारावीच्या दिशेने जावे लागणार आहे.

७. कगिसो रबाडा ठरला मॅचविनर

टी-२० वर्ल्डकपमधील सुपर-८ फेरीतील पहिली लढत १९ जूनला अमेरिकाविरुद्ध दक्षिण आफ्रिका यांच्यात रंगली. सर व्हिव्हियन रिचर्ड्स स्टेडियमवर रंगलेल्या या सामन्यात दक्षिण आफ्रिकाने १८ धावांनी हा सामना जिंकला. अमेरिकेकडून दक्षिण आफ्रिकेच्या गोलंदाजांनी मोक्याच्या क्षणी हा सामना हिसकावून घेतला. मॅचविनर ठरला तो म्हणजे दक्षिण आफ्रिकेचा कगिसो रबाडा.

८. सोनाक्षी-झहीरच्या लग्नात सारं आलबेल आहे की नाही?

काहीच दिवसांत बॉलिवूडची दबंग गर्ल सोनाक्षी सिन्हा आणि तिचा बॉयफ्रेंड झहीर इक्बाल लग्न करणार असल्याचे बोलले जात आहे. मात्र असे असूनही सर्वांचे लक्ष सिन्हा कुटुंबावर आहे. गेले काही दिवस सोनाक्षीचे कुटुंब या लग्नाला तयार नसल्याचे बोलले जात होते. यासंबंधी शत्रूघ्न सिन्हा आणि सोनाक्षीच्या भावाच्या विचित्र प्रतिक्रियाही समोर आलेल्या. पण आता खुद्धा वधूपिता शत्रूघ्न सिन्हा यांनी मौन सोडले आहे.

९. गुंतवणूकदारांना केले मालामाल, श्रीमंत करणारा हा शेअर तरी कोणता?

बोंदाडा इंजिनिअरिंगच्या शेअरने लिस्टिंगपासून बाजारातील आपल्या भरवशाच्या गुंतवणूकदारांना आश्चर्यकारक परतावा दिला आहे. गेल्या काही दिवसांपासून स्टॉकमध्ये सतत चढ-उतार होत असताना मागील दोन दिवसांत या मल्टीबॅगर शेअरने अप्पर सर्किट हिट केले आहे. बोंदाडा इंजिनिअरिंगचे शेअर्स गेल्या वर्षी ३० ऑगस्ट २०२३ रोजी बीएसई SME वर लिस्ट झाले होते, तर तेव्हापासून अवघ्या काही महिन्यांतच स्टॉकने गुंतवणूकदारांचे खिसे पैशाने भरले आहेत.

१०. अॅमेझॉनवरून ‘एक्सबॉक्स’ कंट्रोलर बुक, पार्सल उघडताच धक्कादायक दृश्य

अॅमेझॉनमधून आलेले पार्सल त्यांनी घेतले. ते उघडून पाहणार तोच त्यावर चक्क नाग दिसल्याने त्या जोडप्याची पाचावर धारण बसली. कोब्रा असल्याचा संशय असलेला हा साप पॅकेजिंगसाठी वापरण्यात आलेल्या चिकटविण्याच्या टेपमध्ये अडकला होता. बेंगळुरूमध्ये ही धक्कादायक घटना घडली आहे. अधिक बातमी सविस्तर वाचा