भावाला भेटण्यासाठी बहीण निघाली, मात्र काळ आडवा आला अन्…; भावंडांची आयुष्यभराची ताटातूट

आष्टा-सांगली रस्ता ओलांडून त्या आपल्या भावाच्या घराकडे येत असताना स्प्लेन्डर मोटार सायकल क्र. एम.एच.09 डी. जी.7992 याने मोरेश्वर अण्णाप्पा महंकाळेने पार्वतींना जोरदार धडक दिली. या अपघातातत्या गंभीर जखमी झाल्या. हे समजताच दुचाकी चालकाने तेथून पळ काढला. भावा-बहिणीची भेट होण्याआधीचे पार्वतींवर काळाने घाला घातला. मृत पार्वती माने यांचे बंधू कृष्णा बाबू जानकर रा.आष्टा यांनी दुचाकीस्वार मोरेश्वर अण्णाप्पा महंकाळे रा.डांगे कॉलेज शेजारी, आष्टा याच्याविरुद्ध तक्रार दाखल केली आहे.
Buldhana News: बुलढाण्यात अवकाळी पावसाचा कहर, महिलेवर आकाशातून मृत्यू कोसळला, दोन लेकरांनी डोळ्यापुढे आईचा मृत्यू पाहिला
मोरेश्वर महंकाळे याने अपघातानंतर घटनास्थळावरून पळ काढला. डोक्याला जोरदार मार लागल्याने पार्वती यांनी सांगली येथील खाजगी रुग्णालयात दाखल केले होते. उपचार सुरू असताना पार्वती माने यांचे निधन झाले. भावा-बहिणीची आता आयुष्यभरासाठी ताटातूट झाली आहे. पार्वती माने यांचे बंधू कृष्णा बाबू जानकर (रा. आष्टा) यांनी दुचाकी चालक मोरेश्वर अण्णाप्पा महंकाळे (रा. डांगे कॉलेज मागे, आष्टा) याच्या विरुद्ध आष्टा पोलिस ठाण्यात तक्रार दाखल केली आहे. आष्टा पोलीस पुढील तपास करीत आहेत.

अशीच एक दुर्दैवी घटना जळगावातून समोर आली आहे. वडिलांच्या दुध व्यवसायात मदत करणाऱ्या एका अठरा वर्षीय तरुणीचा अपघात झाला. गेल्या दीड महिन्यापूर्वीच मोटरसायकल घसरून तिच्या वडिलांचाही अपघात झाला होता. डॉक्टरांनी त्यांना मोटरसायकल चालवायला बंदी घातली होती. त्यानंतर तिने दुध व्यवसायाची धुरा आपल्या हाती घेतली. नेहमीप्रमाणे भाग्यश्री १२ मे ला रात्री साडे आठ वाजेच्या सुमारास मोटरसायकलवरुन दुधाचे कॅन घेऊन अमळनेर येत असताना लोंढवे शिवारात अज्ञात वाहनाने कट मारल्याने मोटरसायकल रस्त्यावर आडव्या पडलेल्या झाडावर जाऊन आदळली आणि भीषण अपघात घडला. भाग्यश्री खाली पडली, तिच्या डोक्याला मार लागून रक्तस्राव झाला होता. तिला रुग्णालयात दाखल केले असता डॉक्टरांनी तिला मृत घोषित केले.