सेवानिवृत्त कर्मचाऱ्याचा संशयास्पद मृत्यू, दोन दिवसांपासून बेपत्ता, नातेवाईकांकडून शोध अन्..

विलास कोळी हे सेवानिवृत्त कर्मचारी असून ते विजयनगर परिसरातच राहतात. गेल्या दोन दिवसापासून ते बेपत्ता असल्याची तक्रार नातेवाईकांनी पोलिसात दिली होती. आज त्यांचा मृतदेह आढळून आल्याने परिसरात एकच खळबळ माजली आहे. जिल्हाधिकारी कार्यालयाचे आवारातील प्रशासकीय इमारतीच्या मागे असणाऱ्या मोकळ्या जागेतील एका झुडपात हा मृतदेह सापडला आहे.

घटनास्थळी पोलीस उपाधीक्षक प्रणील गिल्डा, पोलीस निरीक्षक सुधीर भालेराव यांनी भेट देऊन पाहणी केली. याचबरोबर फॉरेन्सिक टीमलाही बोलावण्यात आला असून स्थानिक गुन्हे अन्वेषण विभागाचे कर्मचारी घटनास्थळी दाखल झाले आहेत. मृतदेहावर दगडाने वार केल्याच्या खुणा दिसत असल्याने घातपाताचा संशयही व्यक्त केल जात आहे. .

दोन दिवसांपूर्वी धक्कादायक घटना
दोन दिवसांपूर्वी सांगलीत सात महिन्याच्या गर्भवती महिलेनं जीवन संपवल्याची घटना समोर आली होती. सासरच्या मंडळींकडून सातत्याने धर्मांतरणासाठी होणाऱ्या छळाला कंटाळून तिने हे टोकाचं पाऊल उचलल्याचा आरोप करण्यात आला होता. याप्रकरणी कुपवाड एमआयडीसी पोलिसांनी तात्काळ पतीसह सासू-सासरे या तिघांना अटक देखील केली.

ऋतुजा सुकुमार राजगे (वय 27) असं या विवाहितेचे नाव अ आहे. 6 जून रोजी ऋतुजाने सासरच्या घरी गळफास घेत जीवन संपवले. दरम्यान, ऋतुजाच्या वडिलांनी आरोप केला आहे की, सासरच्या मंडळींकडून ख्रिश्चन धर्म स्वीकारण्यासाठी होणाऱ्या छळाला कंटाळून तिने हा निर्णय घेतला. या घटनेने ऋतुजाच्या माहेरच्यांना मोठा धक्का बसला आहे. तर, एका सात महिन्यांच्या गर्भवती महिलेने आपल्या आयुष्याची अखेर केल्याने सांगलीत एकच हळहळ व्यक्त करण्यात येत आहे.