Shrikant Shinde on Chandrahar Patil : चंद्रहार पाटील हे पैलवान असल्याने त्यांचीही स्वतःची ताकद आहे, चंद्रहार पाटील हा एक चांगला कार्यकर्ता आहे, चांगल्या कार्यकर्त्यांना आमच्या पक्षामध्ये वाव आहे, असं श्रीकांत शिंदे म्हणाले.
चंद्रहार पाटील हे पैलवान असल्याने त्यांचीही स्वतःची ताकद आहे, चंद्रहार पाटील हा एक चांगला कार्यकर्ता आहे, चांगल्या कार्यकर्त्यांना आमच्या पक्षामध्ये वाव आहे. शिवसेनेची दारे सगळ्यांसाठी उघडी आहेत, येणाऱ्या काळात चंद्रहार पाटलांनी शिवसेनेसोबत येण्याचा निर्णय घेतला तर त्यांचे स्वागतच असेल, अशी भूमिका देखील खासदार श्रीकांत शिंदे यांनी जाहीर कली आहे. सांगलीतील मिरज येथे शिवजयंती निमित्ताने आयोजित कार्यक्रमात ते बोलत होते.
उद्धव ठाकरे लक्ष्य
आधीच्या पक्षात कार्यकर्ता थेट नेत्याला कधीच भेटू शकत नव्हता, अशा शब्दात श्रीकांत शिंदे यांनी ठाकरे गटाचे पक्षप्रमुख उद्धव ठाकरे यांना टोला लगावला.
आधीच्या पक्षात कार्यकर्ता थेट नेत्याला कधीच भेटू शकत नव्हता, अशा शब्दात शिवसेना खासदार श्रीकांत शिंदे यांनी शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे यांना नाव न घेता टोला लागवला आहे. शिवसेनेत रोज शेकडो-हजारो कार्यकर्ते आणिनेते प्रवेश करत आहेत, कारण इथे कार्यकर्ते थेट नेत्याला भेटू शकतो, इथे कार्यकर्त्याला वाव आहे, असा खोचक टोला देखील श्रीकांत शिंदे यांनी ठाकरे गटाला लगावला आहे.
Datta Dalvi : ठाकरेंना मोठा धक्का, मुंबईच्या माजी महापौरांनी साथ सोडली, बाळासाहेबांचा कट्टर शिवसैनिक आता शिंदेंसोबत
एकनाथ शिंदेंचाही ठाकरेंना टोला
दुसरीकडे उपमुख्यमंत्री एकनाथ शिंदे यांनी, ‘आम्ही निवडणुका डोळ्यांसमोर ठेवून कधीच काम करत नाही. शिवसेनेचे काम वर्षाचे १२ महिने व ३६५ दिवस सुरू असते. शिवसेना आणि ‘उबाठा’मध्ये हाच फरक आहे’ असा टोला मंगळवारी लगावला. शिवसेना (उबाठा) पक्षाच्या पदाधिकाऱ्यांनी शिंदे, खासदार नरेश म्हस्के, माजी महापौर मिनाक्षी शिंदे यांच्या उपस्थितीत शिवसेनेत प्रवेश झाला. याप्रसंगी शिंदे यांनी विरोधकांवर टीकास्त्र सोडले.
Chandrahar Patil : ठाकरे ज्यांच्यासाठी काँग्रेसला भिडले, त्या चंद्रहार पाटलांनी तोंडावर पाडले? शिवसेना प्रवेशाबाबत श्रीकांत शिंदेंचं वक्तव्य चर्चेत
Suresh Kalmadi : दिल्लीतून क्लीन चिट, पुण्यात कलमाडी हाऊससमोर कार्यकर्त्यांचा जल्लोष, जिथून राजकीय सूत्रं हलायची, तिथेच…
‘अडीच वर्षांत महायुती सरकारने केलेले काम पाहून मतदारांनी महायुतीला भरभरून मतदान केले. काम करणाऱ्यांसोबत जाण्याचा निर्णय लोकांनी घेतला आहे. त्यामुळे शिवसेनेत दररोज विविध पक्षांतील कार्यकर्ते प्रवेश करत आहेत. विधानसभेवर महायुतीचा भगवा झेंडा फडकला. आता महापालिकांवर भगवा डौलाने फडकेल’, असा विश्वास शिंदे यांनी यावेळी व्यक्त केला.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा