राष्ट्रवादी शरद पवार गटाने केलेल्या या याचिकेसंदर्भात आज सर्वोच्च न्यायालयात सुनावणी झाली. या सुनावणीबाबत आमदार जितेंद्र आव्हाड यांनी सोशल मीडियावर एक महत्त्वाची अपडेट दिली आहे. आव्हाड म्हणतात की, राज्यातील पक्षाच्या फुटीनंतरची अपात्रतेची लढाई सुरू असून याबाबत आज सरन्यायाधीश धनंजय चंद्रचूड यांनी आमचे म्हणणे ऐकल्यांतर येत्या २३ तारखेला सुनावणी लावणार असल्याचे म्हटले आहे. तसेच मी स्वत:हे प्रकरण ऐकणार आहे, असे सरन्यायाधीश म्हणालेत.
एक्सवर लिहलेल्या पोस्टमध्ये आव्हाड पुढे म्हणतात, राज्यातील गद्दारी लोकांसमोर आली पाहिजे अन् कारवाई झाली पाहिजे. यासाठी आमचा लढा सुरू आहे. महाराष्ट्राचे संस्कार आणि संस्कृती वाचविली पाहिजे.
अजित पवार गटाला ३ एप्रिलपर्यंत त्यांचे म्हणणे सादर करण्याचे आदेश दिले होते. मात्र त्यांनी ते अद्याप मांडले नाही, ही बाब शरद पवारांच्या गटाने न्यायालयाला सांगितली. नागालँडच्या आमदारांच्या अपात्रते संदर्भातील सुनावणीसोबत महाराष्ट्रातील सुनावणी होणार आहे. सरन्यायाधीशांनी नागालँडमधील एक आणि महाराष्ट्रातील २ याचिका येत्या १६ तारखेच्या कामकाजात घेण्याचे आदेश दिले आहेत. हे मॅटर स्वत: सरन्यायाधीश ऐकणार आहेत, असे आव्हाड यांनी म्हटले आहे.
Sharad Pawar NCP: शरद पवारांच्या राष्ट्रवादीला देणगी स्वीकारता येणार, केंद्रीय निवडणूक आयोगाचा मोठा निर्णय
या सर्व याचिकांवरील सुनावणी येत्या दीड महिन्यात संपेल आणि महाराष्ट्राला न्याय मिळेल अशी आशा आव्हाडांनी या पोस्टमधून व्यक्त केली आहे. यासंदर्भात शरद पवारांनी याचिका ताकदीने लढण्याचे आदेश दिल्याचे त्यांनी म्हटले आहे.