शरद पवार काय म्हणाले ?
शरद पवार म्हणाले की, ” लाडकी बहीण आणि लाडका भाऊ हे यंदाच्या अर्थसंकल्पात आणले गेले. अजित पवार आणि जयंत पाटील यांना 6 ते 7 वेळा बजेट मांडण्याची संधी मिळाली. परंतु यात कधी भाऊ आणि बहीण आलेले दिसले नाही. बहीण भावांचा विचार होतोय याचा आम्हाला आनंद आहे. परंतु हा सगळा चमत्कार लोकसभा निवडणुकीत लोकांनी केलेल्या मतदानाचा चमत्कार आहे. मतदारांनी व्यवस्थीत मतदान केलं की भाऊ बहीण सर्वांचीच अडचण होते”.
राज्यावर 60 लाख कोटींचं कर्ज
शरद पवार पुढे म्हणाले की, ” महाराष्ट्र हे देशातील 2 ते 3 नंबरचं राज्य होतं. परंतु आता ते 11 व्या क्रमांकावर गेलं आहे. महाराष्ट्रावर अंदाजे 60 लाख 80 हजार कोटींचे कर्ज आहे. त्यात यंदाच्या वर्षीचं 1 लाख 10 हजार कोटींचं कर्ज वेगळं आहे”.
रक्षाबंधनला लाडक्या बहिणीला सरकारकडून ओवाळणी
रक्षाबंधनच्या दिवशी लाभार्थी महिलांच्या खात्यात 3 हजार रुपये हस्तांतरित करण्याचा निर्णय राज्य सरकारने घेतला आहे. राज्य सरकारने रक्षाबंधनाच्या निमित्ताने महिलांना मोठं गिफ्ट दिलं आहे. अर्थमंत्री अजित पवार यांनी याबाबतची माहिती दिली असून दोन महिन्यांची रक्कम एकाच वेळी लाभार्थी महिलांना दिली जाणार आहे.
‘मुख्यमंत्री माझी लाडकी बहीण’ योजनेसाठीची अर्ज प्रकिया सुरू झाली आहे. राज्यातील महिला त्याचा लाभ घेतांना दिसत आहेत. जर तुम्ही सुद्धा अजूनही या योजनेसाठी अर्ज केला नसेल तर अद्यापही मुदत संपलेली नाही. तुम्ही अर्ज करू शकणार आहात. ‘मुख्यमंत्री माझी लाडकी बहीण’ योजनेंतर्गत महिलांना प्रतिमहिना 1500 रुपये मिळणार आहेत. म्हणजेच वर्षाला 18000 रुपये महिलांच्या बँक खात्यावर जमा होणार आहेत.