सांगलीत सात महिन्यांच्या गर्भवतीने आयुष्य संपवलं, पती, सासू-सासऱ्याला अटक, संतापजनक कारण समोर

हुंड्यासाठी हगवणे कुटुंबाकडून छळ, वैष्णवीने जीव दिला

पुण्यातील वैष्णवी हगवणे मृत्यू प्रकरणाने संपूर्ण राज्यात खळबळ उडालेली आहे. मात्र, त्यानंतरही राज्यात सासरच्या छळाला कंटाळून आपला जीव देण्याच्या घटनांमध्ये कमतरता आलेली नाही. दररोज अशा घटना समोर येत आहेत जिथे सासरच्या जाचाला कंटाळून, हुंड्यापायी होणाऱ्या छळाला कंटचाळून महिला टोकाचा निर्णय घेत आहेत.
Pune News: आयुष्य उद्ध्वस्त करेन! जीव घेण्याची धमकी, पुण्यातील PIवर गंभीर आरोप; पत्र लिहून हवालदार गायब
त्यातच आता सांगलीत एका सात महिन्यांच्या गर्भवती असणाऱ्या महिलेने गळफास घेऊन आपला जीव दिल्याचा धक्कादायक प्रकार घडला आहे. ऋतुजा सुकुमार राजगे (वय 27) असं या विवाहित तरुणीचं नाव असल्याची माहिती आहे. 6 जून रोजी ऋतुजाने तिच्या सासरच्या घरी गळफास घेत आपल्या आयुष्याची दोर कायमची कापली. यावेळी ती सात महिन्यांची गर्भवती होती.

धर्मांतरासाठी सासरच्यांकडून छळ

दरम्यान, सासरच्या मंडळींकडून ख्रिश्चन धर्म स्वीकारण्यासाठी होणाऱ्या छळाला कंटाळून तिने हा निर्णय घेतल्याचा आरोप ऋतुजाच्या वडिलांकडून करण्यात आला आहे. या प्रकरणी कुपवाड एमआयडीसी पोलीस ठाण्यामध्ये ऋतुजाचा पती सुकुमार राजगे, सासरे सुरेश राजगे आणि सासू अलका राजगे यांच्या विरोधात गुन्हा दाखल करण्यात आला असून तिघांनाही कुपवाड एमआयडीसी पोलिसांकडून अटक देखील करण्यात आली आहे.
Beed News: कधी गाय, कधी गाडी, 17 वर्ष सहन केलं, अखेर नको तेच घडलं; बीडमध्ये विवाहितेने आयुष्य संपवलं
सुकुमार राजगे कुटुंबाकडून आपल्या मुलीवर धर्मांतर करण्यासाठी वारंवार सक्ती करण्यात येत होती, या छळाला कंटाळूनच तिने हे टोकाचं पाऊल उचलल्याचा आरोप मृत ऋतुजाचे वडील चंद्रकांत पाटील यांनी केला आहे. या घटनेने ऋतुजाच्या माहेरच्यांना मोठा धक्का बसला आहे. तर, एका सात महिन्यांच्या गर्भवती महिलेने आपल्या आयुष्याची अखेर केल्याने सांगलीत एकच हळहळ व्यक्त करण्यात येत आहे.