सांगली: जिल्ह्यातून एक दुर्दैवी बातमी समोर आली आहे. खानापूर तालुक्यातील नागनाथनगर नागेवाडी येथील पैलवान सुरज निकमने राहत्या घरी गळफास घेऊन आत्महत्या केली आहे. सुरज निकमची कुमार महाराष्ट्र केसरी म्हणून ओळख होती. आज दुपारी १ वाजण्याच्या सुमारास ही घटना घडली आहे. या घटनेने कुस्ती क्षेत्रासह खानापूर तालुक्यात शोककळा पसरली आहे. तसेच गावात हळहळ व्यक्त करण्यात येत आहे.
मिळालेल्या माहितीनुसार, पैलवान सुरज निकम हा नामवंत मल्ल आहे. सुरजे कुस्ती क्षेत्रात अनेक किताब जिंकले आहेत. विरोधी पैलवानाला कोणत्या डावावर चितपट करायचे हे त्याला चांगलंच अवगत होतं. त्याने कमी कालावधीतच परिसरात दबदबा तयार केला होता. याच कालावधीत त्याने कुमार महाराष्ट्र केसरी होण्याचा बहुमान मिळवला होता. कुस्तीत त्याने अनेकांना पराभवाची धूळ चारली आहे. मात्र अचानक त्याच्या आत्महत्येच्या वृत्तानं खळबळ उडाली आहे. आज त्याने राहत्या घरी गळफास घेत आत्महत्या केली. सुरजच्या आत्महत्येमागचे कारण अद्याप समजू शकलेले नाही. शुक्रवारी दुपारी १ वाजण्याच्या सुमारास ही दुर्दैवी घटना घडली आहे.
मिळालेल्या माहितीनुसार, पैलवान सुरज निकम हा नामवंत मल्ल आहे. सुरजे कुस्ती क्षेत्रात अनेक किताब जिंकले आहेत. विरोधी पैलवानाला कोणत्या डावावर चितपट करायचे हे त्याला चांगलंच अवगत होतं. त्याने कमी कालावधीतच परिसरात दबदबा तयार केला होता. याच कालावधीत त्याने कुमार महाराष्ट्र केसरी होण्याचा बहुमान मिळवला होता. कुस्तीत त्याने अनेकांना पराभवाची धूळ चारली आहे. मात्र अचानक त्याच्या आत्महत्येच्या वृत्तानं खळबळ उडाली आहे. आज त्याने राहत्या घरी गळफास घेत आत्महत्या केली. सुरजच्या आत्महत्येमागचे कारण अद्याप समजू शकलेले नाही. शुक्रवारी दुपारी १ वाजण्याच्या सुमारास ही दुर्दैवी घटना घडली आहे.
घटनेची माहिती कळताच पोलिसांनी घटनास्थळी धाव घेतली. तसेच घटनेचा पंचनामा करत मृतदेह शवविच्छेदनासाठी विटा ग्रामीण रुग्णालयात पाठवण्यात आला. त्याचा भाऊ आल्यानंतर मृतदेह अंत्यसंस्कार करण्यात येणार आहेत. दरम्यान काही दिवसांआधी सुरजच्या वडिलांचे निधन झाले होते. वडिलांच्या निधनानंतर सुरज निराश झाला असल्याचे बोलले जात आहे. निधनाचे वृत्त समजताच कुस्ती क्षेत्रासह सर्वत्र हळहळ व्यक्त होत आहे. मात्र त्याने आत्महत्येसारखे धक्कादायक पाऊल का उचलले हे अद्याप कळू शकले नाही. याबाबत पोलीस तपास करत आहेत.