सांगली हादरलं! भर बाजारात जामिनावर बाहेर आलेल्या महेशला संपवलं, २०२१ मधील मर्डरचा बदला

मृत महेश कांबळे याचा होलसेल भाजी विक्रीचा व्यवसाय आहे. संशयित कांबळे याने २०२१ साली आर्थिक वादातून संजयनगर परिसरात एका भाजी विक्रेत्याचा खून केला होता. या गुन्ह्यातून दोन वर्षांपूर्वी तो बाहेर आला होता. आज सकाळी महेश कांबळे हा होलसेल भाजी विक्रीसाठी १०० फुटी रोडवरील घाटगे पाटील शोरूम जवळ आला होता.
Sangli News : ‘मूल होऊ न देण्याची घ्यायचा काळजी, पण बाहेर सांगायचा…’; नवऱ्याकडून पत्नीला हॉकी स्टीकने मारहाण, सांगलीमधील घटना
पहाटे सहा वाजण्याच्या सुमारास दुचाकीवरून तो लघुशंकेसाठी घाटगे पाटील कॉर्नर ते पत्रकारनगरकडे जाणाऱ्या रस्त्यावर थांबला होता. यावेळी दुचाकीवरून आलेल्या अज्ञात दोन हल्लेखोरांनी कोयत्याने महेश याच्या डोक्यात वर्मी घाव केले. यावेळी तो काही अंतरावर जाऊन कोसळला. यानंतरही हल्लेखोरांनी त्याच्या चेहऱ्यावर आणि पोटावर वार करून तेथून पळ काढला.
Sangli Corruption : सांगलीतील हॉस्पिटलमध्ये ‘वंचित’चा राडा; डॉक्टरसह कर्मचाऱ्यांना मारहाण, नेमकं कारण काय?
दरम्यान, काही अंतरावर महेश याचा भाऊ भाजी विक्री करत होता. त्याने तातडीने महेश याला उपचारासाठी रुग्णालयात दाखल केले. मात्र, यापूर्वीच त्याचा मृत्यू झाल्याचे डॉक्टरांनी सांगितले. घटनेची माहिती मिळताच सांगली शहर पोलीस ठाण्याचे पोलीस निरीक्षक संजय मोरे, स्थानिक गुन्हे अन्वेषणचे पोलीस निरीक्षक सतीश शिंदे यांनी घटनास्थळी तातडीने धाव घेत पाहणी केली. हल्लेखोर दोघे हे महेश कांबळे याने केलेल्या खुनातील मृताचा एक नातेवाईक असल्याचे पोलीस तपासात निष्पन्न झाले. यानंतर स्थानिक गुन्हे अन्वेषण आणि शहर पोलिसांची दोन पथके संशयितांचा शोध घेत आहेत. घटनास्थळी उपअधीक्षक प्राणिल गिल्डा यांनी भेट दिली.