सांगलीची निवडणूक शिगेला पोहोचली असतानाच आता कार्यकर्त्यांमधील उस्ताह देखील शिगेला पोहोचला आहे. विशाल पाटील यांचे समर्थक असणारे गौस मुलानी आणि संजय काका पाटील यांचे समर्थक असणारे रमेश जाधव यांच्यामध्ये ही पैज लागली आहे.
रमेश जाधव आणि गौस मुलानी हे दोघेही मित्र आहेत. दोघेही सांगलीतील कवठेमंकाळ तालुक्यातील असून गौस मुलानी हे विशाल पाटील यांचे तर रमेश जाधव हे संजय काका पाटील यांचे समर्थक आहेत. दोघेही शिरडून या गावात एकत्र आले असता दोघांमध्ये निवडणूक निकालावरून पैज लागली. यावेळी विशाल पाटील हे विजय झाले तर रमेश जाधव यांनी त्यांची युनिकॉर्न गाडी गौस मुलानी यांना द्यायची आणि संजय काका पाटील विजय झाले तर गौस मुलानी यांनी त्यांची बुलेट रमेश जाधव यांना द्यायची अशी ही पैज लागली आहे.
दोघांमध्ये लागलेल्या या पैजेची सांगलीत सध्या जोरदार चर्चा सुरू आहे. येत्या चार जूनला लोकसभा निवडणुकीचा निकाल लागणार आहे. या निकालामध्ये कोणता नेता विजयी होतो आणि कोणत्या नेत्याचा कार्यकर्ता गाडी जिंकतो याकडे देखील आता लक्ष लावून राहिले आहे.