घटनास्थळी पोलीस आणि बचाव पथक दाखल झाले असून बुडालेल्या तरुणाचा सध्या शोध सुरू आहे. सांगलीतील गेल्या चार दिवसात ही दुसरी घटना आहे. सांगली जिल्ह्यात गेला आठवडाभर पावसाचा जोर वाढलेला पाहायला मिळतो अशातच तरुणाचे नसते धाडस त्याचा जीवावर बेतले असा स्थानिकांचे म्हणणे आहे. त्याला कारण असे की पाण्याचा स्तर जसा वाढला तसा प्रेयसी काठावर निघून आली मात्र प्रियकराला सेल्फीचा मोह आवरला नाही तो बांधावर उभा राहून सेल्फी काढण्यासाठी थांबला आणि तोच फोटो त्याचासाठी जीवघेणा ठरला. तरुणालाही कल्पना नसेल की आयुष्यातील शेवटचा फोटो त्याने घेतलाय.
दोन दिवसापूर्वीच मासेमारीसाठी गेलेल्या आठ वर्षे मुलाचा कृष्णा नदीमध्ये बुडून मृत्यू झाला होता. कृष्णा नदीत मित्रांसोबत पोहण्यासाठी गेलेल्या एका 11 वर्षीय मुलाचा मृत्यू झालाय. शिवा सुखदेव घोष असे मयत मुलाचे नाव आहे. शिवा घोष हा कुटुंबीयांसह शहरातीलच कर्नाळ रस्त्यावरील काकानगरमध्ये राहत होता. कृष्णा नदीवरील नवीन पुलाजवळ तो मित्रांसोबत पोहण्यासाठी गेला होता. मात्र पाण्यात पोहताना त्याला पाण्याचा अंदाज न आल्याने तो बुडाला. तो बुडाल्याचे समजताच घाबरुन त्याचे मित्र तेथून निघून गेले.
इकडे रात्री उशीर झाला तरी शिवा घरी परत आला नाही. त्यामुळे त्याच्या नातेवाइकांनी शोधाशोध सुरू केली. मात्र, त्याचा ठावठिकाणा उशिरापर्यंत समजून आला नाही. बेपत्ता झालेला शिवा हा नदीत पोहायला गेल्याची माहिती पोलिसांना मिळाली. त्यामुळे त्यानी शिवाचा शोध घेण्यासाठी कुपवाड येथील आयुष हेल्पलाईन टिमला पाचारण केले.शिवा याचा मृतदेह बाहेर काढताच नातेवाइकांनी आक्रोश केला. पोलिसांनी पंचनामा करून मृतदेह शासकीय रुग्णालयात पाठवला. उत्तरीय तपासणीनंतर मृतदेह नातेवाईकांच्या ताब्यात देण्यात आला .आता सेल्फी काढत असताना तरुण बुडाण्याची दुसरी घटना जिल्ह्यात घडली आहे.