माझी सैनिक सुभाष निवृत्ती जाधव यांनी त्यांचा नातू शिरीष याच्यासाठी बालवाडीतून पोषण आहाराचे पाकिट कृषीनगर इथल्या अंगणावाडी क्रमांक ११६ मधून घरी आणले, पण घरी येताच पाकिट फोडले असता त्यामध्ये मृत सापाचे पिल्ल आढळल्याने एकच खळबळ उडाली. यानंतर सुभाष यांनी तात्काळ अंगणवाडीला घटनेबद्दल माहिती कळवली. यानंतर आरोग्यसेविकांनी हा प्रकार गांभीर्याने घेत यांची माहिती वरिष्ठ पातळीवर कळवली आहे. पोषण आहाराचे ठेकदार शासनाकडून नेमले जातात. आता सदर जिल्ह्यात आणि अंगणवाडीत सेवा पुरवणारा ठेकेदार कोण यांचा तपास घेवून प्रकरणाचा छडा लावा अशी मागणी नागरिक करतायत.
राज्यातील गर्भवती महिला आणि लहान मुलांना पोषण आहार मिळावा यासाठी राज्य सरकारने बालविकास योजनेअंतर्गंत गर्भवती महिला आणि सहा महिने ते तीन वर्षाच्या बाळाला पोषण आहाराची संकल्पना सुरु केली आहे. यामध्ये विविध डाळी, चणे, तांदूळ आदी गोष्टी दिल्या जात होत्या. आता एप्रिल महिन्यापासून यात बदल करुन गव्हाचे पीठ, डाळ, तिखट, मीठ, साखर असे एकत्रित करुन पोषण आहार पुरवला जात असल्याचे कळते.
घडलेल्या घटनेनंतर पलूसमधील ११६ क्रमांकाच्या अंगणवाडीतून वाटप करण्यात आलेला पोषण आहार परत जमा करुन घेण्यात आला आहे. तसेच पुर्वीप्रमाणेच आम्हाला आहार द्या असा एकत्रित केलेला आहार फार काळ टिकत नाही असा आरोप लाभार्थींनी केला आहे. तसाच पोषण आहारात सापाचे पिल्लू कसे पोहचले यांचा तपास करा आणि दोषींवर कडक कारवाई करा अशी मागणी ग्रामस्थांकडून होत आहे.