दोन दिवसांपूर्वी पुण्यातल्या जनता वसाहतीतील भागात राहणाऱ्या नागरिकांना हा पोषण आहार देण्यात आला होता. परंतु त्याच पोषण आहारात उंदराची विष्ठा आणि अळ्या सापडल्या आहेत. ही बाब राष्ट्रवादी काँग्रेस शरद पवार गटाचे रिक्षा संघटक अध्यक्ष संदीप काळे यांनी घटना उघडकीस आणली.दोन दिवसांपूर्वी एकात्मिक बाल योजना मंडळ अंतर्गत हे धान्य वाटप करण्यात आले होते. ही संस्था महिला व बाल कल्याण विभागाच्या अंतर्गत येत असून, ज्या पाकिटातून हे धान्य वाटप करण्यात आले आहे. त्यावर शासनाचा अधिकाऱ्यांचा शिका सुद्धा दिसत आहे.
संबंधित महिलेने हाच पोषण आहार शिजवण्यासाठी घेतल्यानंतर त्यामध्ये अळी आढळली आणि निरखून पाहायला नंतर त्यामध्ये उंदराची विष्ठा आढळून आली. संबंधित महिलेने संताप व्यक्त करत तक्रार दिली आणि पोषण आहार मिळलेल्या लाभार्थींना पण सतर्क करण्यात आले आहे. सरकार गोगरीब नागरिकांच्या जीवाशी खेळ करत आहे का ? असा प्रश्न आता संबंधित नागरिक विचारत आहे.