हडपसरचे विद्यमान आमदार चेतन तुपे आपली उमेदवारी सोडतील का आणि शिवसेनेचे माजी आमदार राहिलेले महादेव बाबर हे देखील पुन्हा लढण्यास इच्छुक असल्याची माहिती आहे. म्हणून उमेदवारी कोणाला मिळणार याकडे सगळ्यांच लक्ष असणार आहे.
शिंदेंकडून प्रमोद भानगिरे तर पवारांकडून प्रशांत जगताप इच्छुक
राष्ट्रवादी काँग्रेस शरद पवार पक्षाकडून प्रशांत जगताप आणि शिंदेंचा शिवसैनिक शहर प्रमुख प्रमोद भानगिरे उर्फ नाना भानगिरे इच्छुक आहेत. तसेच, त्यांनी लोकसभा निवडणुकीपूर्वीच विधानसभेची तयारी सुरू केली आहे. परंतु, हे महायुती आणि महाविकास आघाडीसाठी अडचण असणार आहे. ती घटक पक्षांमध्ये उमेदवारी कोणाला द्यायची.
अजित पवार पक्षाचे विद्यमान आमदार चेतन तुपे आणि भारतीय जनता पक्षाचे माजी आमदार योगेश टिळेकर यांची निवडणूक लढवण्याची पुन्हा इच्छा आहे. तर महादेव बाबरही मैदानात उतरण्याची तयारी करत आहेत. परंतु आता हिट अँड हॉट टॉपिकमध्ये प्रशांत जगताप विरुद्ध नाना भानगिरे यांचं नाव आघाडीवर आहे.
२००९ : महादेव बाबर (शिवसेना)
२०१४ : योगेश टिळेकर (हडपसर)
२०१९ : चेतन तुपे (राष्ट्रवादी काँग्रेस)
हडपसर मतदारसंघावर आता तिन्ही पक्षांचं वर्चस्व राहिलेलं आहे. त्यामुळे पारंपरिक मतदारसंघावर कोणाचा दावा नाही. तर दुसरीकडे, प्रशांत जगताप यांच्या कार्यकर्त्यांनी भावी आमदार फिक्स असं स्टेटसही पोस्ट केले आहेत आणि नाना भानगिरी लोकसभा निवडणुकीपूर्वीपासूनच तयारीला लागले आहेत, असं अनेकदा त्यांनी बोलूनही दाखवलं आहे.
राष्ट्रवादी काँग्रेसमध्ये उभी फूट पडल्यानंतर प्रशांत जगताप एकमेव कार्यकर्ते होते, ज्यांनी शरद पवारसोबत राहणं पसंत केलं. अजित पवारांचा दबाव असतानाही प्रशांत जगताप यांनी शरद पवारांची साथ सोडली नाही. म्हणून प्रशांत जगताप यांना मोठा आधार आहे. तर, शिवसेनेचा मोठा गट घेऊन शिंदेंसोबत सामील होणारे पुण्यातून पाहिले नेते नाना भानगिरे आहेत. त्यासोबत शिवसेनाचं शहर कार्यलय उभारण्यासोबत पक्ष संघटना मजबूत करणं हे मोठ्या संख्येने नाना भानगिरे यांनी केलं आहे, म्हणून शिंदेचा शिलेदार पूर्ण तयारीत आहेत. परंतु कोणाला उमेदवारी मिळेल याकडे सगळ्यांच लक्ष असणार आहे.