अपघात झाल्यानंतर वाहन चालक पसार
समाधान कोळी असे मृत्यू झालेल्या पोलीस कर्मचाऱ्यांचे नाव आहे. तर त्यांच्यासोबत दुसरे पोलीस पी. सी. शिंदे असे गंभीर जखमी झालेल्या पोलिसाचे नाव आहे. अपघात घडल्यानंतर अज्ञात वाहन चालक पसार झाला आहे. पोलीस कर्मचाऱ्यांना उपचारासाठी रुग्णालयात दाखल करण्यात आला असून त्या वाहन चालकाचा शोध घेतला जात आहे.
बीट मार्शल म्हणून रात्री गस्तीवर
याबाबत अधिक माहिती अशी की, पोलीस कर्मचारी समाधान कोळी आणि पी. सी. शिंदे हे बीट मार्शल म्हणून खडकी परिसरामध्ये वस्तीवर होते. हरीश पुलाजवळ आल्यानंतर त्यांना अज्ञात वाहनाने जोरात धडक दिली. यामध्ये कोळी यांचा गंभीर जखम लागल्याने घटनास्थळी मृत्यू झाला तर शिंदे हे गंभीर जखमी झाले असून त्यांना तातडीने उपचारासाठी दाखल करण्यात आले आहे. कोळी यांचा मृतदेह शवविच्छेदनासाठी पाठवण्यात आला असून खडकी पोलीस ठाण्यामध्ये उशिरापर्यंत गुन्हा दाखल करण्याचे काम सुरू होते.
दुर्दैवी घटनेने कुटुंबीयांवर शोककळा
गेल्या महिन्याभरापासून पुण्यामध्ये हिट अँड रनच्या प्रकरणांमध्ये वाढ झालेली पाहायला मिळत आहे. या घटनांमुळे रात्रीच्या वेळी गाडी चालवणे अवघड झाले आहे. रात्री घडलेल्या अपघातामुळे पोलीस कर्मचाऱ्यांच्या कुटुंबावर शोककळा पसरली असून अशा घटना रोखण्यासाठी उपाययोजना करणे गरजेचे असल्याचे सांगण्यात आले आहे. कल्याणी नगर दुर्घटना घडल्यानंतर पोलीस देखील अ‍ॅक्टिव मोडवर आले असून अशा दुर्घटना घडू नयेत यासाठी उपाययोजना करताना पाहायला मिळत आहे. मात्र, रात्री पोलीस कर्मचाऱ्यांनाच अज्ञात वाहनाने उडवल्यामुळे पुण्यात एकच खळबळ उडाली आहे. जर पोलीसच