संविधान समता दिंडी वारीमध्ये दरवर्षी सामील होत असते. या संविधान समता दिंडीमध्ये महाराष्ट्रातील विविध संस्था, संघटना तसंच विविध वारकरी बांधव सामील होत असतात. तुकोबारायांच्या पालखीसह ही दिंडी पुढे पंढरपूरला जाते. त्याची सुरुवात समता भूमी म्हणजेच फुलेवाडा इथून होते. म्हणजेच समता भूमिती संतभूमी असा एकूणच प्रवास आपण यातून केला जातो.
संविधानाची सुरुवात आम्ही भारताचे लोक म्हणून आहे. भारतात इथला प्रत्येक नागरिक एकमेकांना जोडलेला आहे. या देशाचे संविधान बनलं तर संविधानावर या देशातील विविध संस्कृतींचा प्रभाव देखील आहे. संविधानात असणारी स्वातंत्र्य, समता, बंधुता, न्याय ही मूल्य संविधानात प्रत्यक्षपणे न येता त्याचा एक संबंध या भारतीय संस्कृतीशी देखील आहे, या संत परंपरांमध्ये आहे.
महाराष्ट्राची ओळख आणि महाराष्ट्राची सर्वात मोठी संस्कृती म्हणजे वारकरी परंपरा, संविधानात ज्या मुल्यांचा उल्लेख करण्यात आला आहे. ही मूल्य आपल्या या संस्कृतीत संत परंपरेतून पिढीने पिढी पुढे वाढत आली. संविधान असं म्हणतो, की बंधुतेने आपण जोडून राहू, त्याचप्रमाणे ही वारकरी परंपरा, संतांचे अभंग आपल्याला एकमेकांना जोडून ठेवतात.
अनेकांना संविधान हे एका विशिष्ट जातीचं किंवा एक विशिष्ट धर्माचं किंवा आपलं नाही असं देखील वाटतं, परंतु ते आपल्या सर्वांचा आहे आणि या देशात प्रत्येक घटना ही या संविधानाला धरूनच होत असते. या देशाला धरून ठेवणारं एक मोठं पुस्तक, एक मोठी व्यवस्था ती म्हणजे संविधान. त्यामुळे संविधानाची मूल्य आपल्या या प्रत्येक माणसापर्यंत पोहोचली पाहिजेत.