पुणे : पुण्यात दिवसेंदिवस गुन्हेगारीच्या घटना घडत आहेत. हत्या, बलात्कार, गाड्यांची तोडफोड अशा बऱ्याच घटना आता समोर येत आहे. त्याचदरम्यान, शहरात कोयता गँगने देखील अक्षरश: उच्छाद मांडला आहे. आता या गँगने आपली सीमा ओलांडली आहे. त्यांनी चक्क पोलिसांच्या गाडीसह १५ ते २९ वाहनांची तोडफोड केलीय.
पोलिसांच्या गाडीची देखील तोडफोड
पोलिसांच्या गाडीची देखील तोडफोड
पुण्यातील वडगाव शेरी परिसरातील गणेश नगरमध्ये काही वाहनांची या कोयता गँगने तोडफोड केलीय. यात सहा चारचारी, चार रिक्षा, तीन टू-व्हीलरसह पोलिसांच्या एका गाडीची देखील तोडफोड केली आहे. वडगाव शेरीच्या गणेश नगर परिसरात काल कोयता गँगने गुंडाने धुमाकूळ घालत हातामध्ये कोयते आणि दगड घेत वाहनांची तोडफोड केली. वाहनांची तोडफोड केल्याने परिसरातील नागरिकांमध्ये भीतीचं वातावरण पसरलं आहे.
पुण्यात सलग दुसऱ्या दिवशी तोडफोड
कालच सिंहगड रस्त्यावरील क्रिकेट वाडी या ठिकाणी कोयता गँगने धुमाकूळ घालत वाहनांची तोडफोड केली होती. त्यानंतर मध्यरात्री चंदन नगर परिसरातील वडगाव शेरीत वाहनांची कोयता गँगने तोडफोड केली आहे.