प्रतिनिधी, येरवडा : भांडणे सोडविण्यासाठी आल्याच्या रागातून पंधरा ते वीस जणांच्या टोळक्याने अल्पवयीन मुलाला नग्न करून लोखंडी रॉड आणि चामड्याच्या पट्याने अमानुषपणे मारहाण केली. चंदननगर परिसरात रविवारी रात्री हा प्रकार घडला. या प्रकरणात चंदननगर पोलिसांनी सात आरोपींना ताब्यात घेतले असून, फरारी आरोपींचा शोध घेतला जात आहे.काय घडलं?
‘आकाश जावळकर आणि अनिल जावळकर चंदननगरचे बाप आहेत,’ असे म्हणण्यास भाग पाडून मुलाचे व्हिडिओ रेकॉर्डिंग केले. त्यानंतर मुलाला जातीवाचक शिवीगाळ करून त्याच्या कपड्यांवर लघुशंका केली. या प्रकरणात चंदननगर पोलिसांनी अल्पवयीन मुलाला आणि त्याच्या मित्रांना मारहाण करणाऱ्या आरोपींवर अनुसूचित जाती जमाती अत्याचार प्रतिबंध कायदा (अॅट्रॉसिटी), बालकांचे लैंगिक अत्याचारापासून संरक्षण कायदा (पॉक्सो) आणि अपहरणाचा गुन्हा दाखल केला आहे.
अनिल जावळकर आणि आकाश जावळकर, आनंद सुतार, आकाश उकनाळ, आकाश सोदे, अक्षय रिठे, कृष्णा गोरखे ऊर्फ कान्या आणि त्याचे दहा ते पंधरा साथीदार यांच्यावर गुन्हा दाखल झाला आहे. या प्रकरणात सतरा वर्षीय अल्पवयीन मुलाने तक्रार दिली आहे.
पोलिसांनी दिलेल्या माहितीनुसार, अल्पवयीन तक्रारदार मुलगा चंदननगर येथील संघर्ष चौकात कुटुंबासोबत राहतो. तो ढोले पाटील महाविद्यालयात बारावीचे शिक्षण घेत आहे. दिनकर पठारे वस्तीत राहणाऱ्या मित्राने नवीन दुचाकी घेतल्याने तक्रारदार मुलगा रविवारी दुपारी मित्रांसोबत तेथे गेला होता. त्या वेळी आनंद सुतार आणि सनी सोनवणे यांची भांडणे सोडवण्यासाठी तक्रारदार गेला. या वेळी शंभू शिंगारे, आकाश उकनाळ, आनंद सुतार, कृष्णा गोरखे आणि धीरज पाठक यांनी तक्रारदार आणि त्याचा मित्र साहील याला ‘तू आम्हाला नडतो का, आम्ही इथले भाई आहोत,’ असे बोलून मारहाण केली. त्यानंतर तक्रारदाराच्या मित्राच्या डोक्यात आणि पायावर दगड मारला. त्यानंतर रात्री साडेनऊ वाजता तक्रारदार आणि त्याचा मित्र कोलंबिया हॉस्पिटलसमोर चहा पित होते. त्या वेळी आरोपी तेथे आले. त्यांनी तक्रारदार मुलाला हाताने मारहाण केली. त्यानंतर अनिल व आकाश जावळकर यांच्या सांगण्यावरून तरुणांनी अल्पवयीन मुलाचे अपहरण करून ‘फॉरेस्ट पार्क’ रस्त्यावर घेऊन गेले. तिथे मुलाचे कपडे काढून अमानुष मारहाण केली.
‘आकाश जावळकर आणि अनिल जावळकर चंदननगरचे बाप आहेत,’ असे म्हणण्यास भाग पाडून मुलाचे व्हिडिओ रेकॉर्डिंग केले. त्यानंतर मुलाला जातीवाचक शिवीगाळ करून त्याच्या कपड्यांवर लघुशंका केली. या प्रकरणात चंदननगर पोलिसांनी अल्पवयीन मुलाला आणि त्याच्या मित्रांना मारहाण करणाऱ्या आरोपींवर अनुसूचित जाती जमाती अत्याचार प्रतिबंध कायदा (अॅट्रॉसिटी), बालकांचे लैंगिक अत्याचारापासून संरक्षण कायदा (पॉक्सो) आणि अपहरणाचा गुन्हा दाखल केला आहे.
अनिल जावळकर आणि आकाश जावळकर, आनंद सुतार, आकाश उकनाळ, आकाश सोदे, अक्षय रिठे, कृष्णा गोरखे ऊर्फ कान्या आणि त्याचे दहा ते पंधरा साथीदार यांच्यावर गुन्हा दाखल झाला आहे. या प्रकरणात सतरा वर्षीय अल्पवयीन मुलाने तक्रार दिली आहे.
पोलिसांनी दिलेल्या माहितीनुसार, अल्पवयीन तक्रारदार मुलगा चंदननगर येथील संघर्ष चौकात कुटुंबासोबत राहतो. तो ढोले पाटील महाविद्यालयात बारावीचे शिक्षण घेत आहे. दिनकर पठारे वस्तीत राहणाऱ्या मित्राने नवीन दुचाकी घेतल्याने तक्रारदार मुलगा रविवारी दुपारी मित्रांसोबत तेथे गेला होता. त्या वेळी आनंद सुतार आणि सनी सोनवणे यांची भांडणे सोडवण्यासाठी तक्रारदार गेला. या वेळी शंभू शिंगारे, आकाश उकनाळ, आनंद सुतार, कृष्णा गोरखे आणि धीरज पाठक यांनी तक्रारदार आणि त्याचा मित्र साहील याला ‘तू आम्हाला नडतो का, आम्ही इथले भाई आहोत,’ असे बोलून मारहाण केली. त्यानंतर तक्रारदाराच्या मित्राच्या डोक्यात आणि पायावर दगड मारला. त्यानंतर रात्री साडेनऊ वाजता तक्रारदार आणि त्याचा मित्र कोलंबिया हॉस्पिटलसमोर चहा पित होते. त्या वेळी आरोपी तेथे आले. त्यांनी तक्रारदार मुलाला हाताने मारहाण केली. त्यानंतर अनिल व आकाश जावळकर यांच्या सांगण्यावरून तरुणांनी अल्पवयीन मुलाचे अपहरण करून ‘फॉरेस्ट पार्क’ रस्त्यावर घेऊन गेले. तिथे मुलाचे कपडे काढून अमानुष मारहाण केली.