सक्तीने काढले दागिने
पोलिसांनी दिलेल्या माहितीनुसार, तक्रारदार महिला शनिवारी सकाळी ‘मॉर्निंग वॉक’साठी घराबाहेर पडल्या होत्या. त्या घरापासून काही अंतर चालत गेल्या असतानाच दुचाकीवरून एक अनोळखी व्यक्ती त्यांच्याजवळ आली. ‘मावशी मी पोलिस आहे. तुमच्या इथे चोरी झाली आहे. मंगळसूत्र आणि हातातील अंगठी काढून पिशवीत ठेवा,’ असे चोरटा महिलेला म्हणाला. तो जबरदस्तीने त्यांचे दागिने काढू लागला. तेव्हा तक्रारदार महिलेने त्यास विरोध केला. मात्र, त्यानंतरही चोरट्याने जबरदस्तीने दागिने हिसकावून पळ काढला.
हिसकावला मोबाइल
दुसरी घटना उंड्री येथील दोराबजी मॉल येथे शनिवारी सकाळी साडेसहाच्या सुमारास घडला. या प्रकरणात ३६ वर्षीय तरुणाने कोंढवा पोलिस ठाण्यात तक्रार दिली आहे. त्यावरून अज्ञातावर गुन्हा दाखल झाला आहे. तक्रारदार व्यक्ती महंमदवाडी येथे राहायला आहे. तक्रारदार गाणी ऐकत मॉर्निंग वॉक करीत असताना दुचाकीवरून आलेल्या चोरट्याने त्यांच्या हातातील मोबाइल हिसकावला. कोंढवा पोलिस याचा तपास करीत आहेत.