प्रतिनिधी, पुणे : प्रेमसंबंधांना कुटुंबीयांचा विरोध असल्याने गावाहून पळून आलेल्या तरुणाने प्रेयसीचा खून करून आत्महत्या केल्याची धक्कादायक घटना उघडकीस आली. हडपसर भागातील एका हॉटेलमध्ये ही घटना घडली. मोनिका कैलास खंडारे (वय २४) असे खून झालेल्या तरुणीचे नाव आहे. चादरीने गळा आवळून मोनिकाचा खून केल्यानंतर प्रियकर आकाश अरुण खंडारे (वय ३०) याने गळफास घेऊन आत्महत्या केली.या प्रकरणी सहायक निरीक्षक उमेश रोकडे यांनी तक्रार दिली असून, हडपसर पोलिस ठाण्यात गुन्हा दाखल करण्यात आला आहे. मोनिका आणि आकाश मूळचे अकोला जिल्ह्यातील बाळापूर तालुक्यातील कसुरा गावतील आहेत. ते दोघे नातेवाइक असून, त्यांचे एकमेकांवर प्रेमही होते. मोनिका आणि आकाशच्या प्रेमसंबंधाला कुटुंबीयांचा विरोध होता. आकाश शेती करायचा आणि मोनिका नोकरी करीत होती. प्रेमप्रकरणाला विरोध होत असल्याने त्यांनी यापूर्वी आत्महत्या करण्याचा प्रयत्न केला होता.
दोघे गावाहून पळून पुण्यात आले होते. हडपसर भागातील मांजरी-मुंढवा रस्त्यावर असलेल्या एका हॉटेलमध्ये दोघांनी खोली भाड्याने घेतली होती. १३ मे रोजी मध्यरात्री आकाशने मोनिकाचा चादरीने गळा आवळून खून केला. त्यानंतर त्याने खोलीतील पंख्याला चादर बांधून गळफास घेतला. दोघे मृतावस्थेत सापडल्याची माहिती हॉटेलमधील कर्मचाऱ्यांनी पोलिसांना दिली. सहायक आयुक्त अश्विनी राख, हडपसर पोलिस ठाण्याचे वरिष्ठ पोलिस निरीक्षक संतोष पांढरे, गुन्हे शाखेचे निरीक्षक उमेश गिते यांनी घटनास्थळी भेट दिली.
दोघे गावाहून पळून पुण्यात आले होते. हडपसर भागातील मांजरी-मुंढवा रस्त्यावर असलेल्या एका हॉटेलमध्ये दोघांनी खोली भाड्याने घेतली होती. १३ मे रोजी मध्यरात्री आकाशने मोनिकाचा चादरीने गळा आवळून खून केला. त्यानंतर त्याने खोलीतील पंख्याला चादर बांधून गळफास घेतला. दोघे मृतावस्थेत सापडल्याची माहिती हॉटेलमधील कर्मचाऱ्यांनी पोलिसांना दिली. सहायक आयुक्त अश्विनी राख, हडपसर पोलिस ठाण्याचे वरिष्ठ पोलिस निरीक्षक संतोष पांढरे, गुन्हे शाखेचे निरीक्षक उमेश गिते यांनी घटनास्थळी भेट दिली.
पोलिसांनी या प्रकरणी कुटुंबीयांची चौकशी केली. त्या वेळी मोनिका आणि आकाश यांच्या प्रेमसंबंधाला कुटुंबीयांचा विरोध होता. त्यामुळे ते पुण्यात पळून आल्याची माहिती मिळाली. त्यातूनच त्यांनी आत्महत्या केली असण्याची शंका पोलिसांनी व्यक्त केली. पोलिस निरीक्षक गिते तपास करीत आहेत.