घटनेची माहिती मिळताच पोलिसांनी शोध मोहीम सुरु केली. स्वारगेट पोलीस स्टेशन, क्राईम ब्रांच अंदाजे 500 पोलीस अधिकारी आणि कर्मचारी या ऑपरेशनमद्ये होते. तीन दिवसापासून स्थानिक नागरिकांची देखील पोलिसांना मदत मिळाली.
पोलिसांचे डॉग स्क्वॉडने वेगवेगळ्या ठिकाणी गेले. उसाच्या शेतं श्वानाने दाखवलं होतं. ड्रोनचा वापर करून आरोपी ट्रेस झाला आणि गुरुवारी 1 वाजून 10 मिनिटांनी आरोपीला ताब्यात घेण्यात पोलिसांना यश आलं.
अखेर आरोपी दत्तात्रय गाडे हा ऊसाच्या शेतामध्ये लपून बसल्याची माहिती पोलिसांना खबऱ्याकडून मिळाली. त्यानंतर पोलिसांनी रात्री दीडच्या सुमारास आरोपीला बेड्या ठोकल्या.
पुणे अत्याचार प्रकरणात 40 जणांची चौकशी करण्यात आली आहे. एवढंच नाही तर, आरोपीची माहिती देणाऱ्याला 1 लाख रुपयांचं बक्षिस देखील घोषित करण्यात आलं होतं.
सध्या या प्रकरणी पोलीस कसून चौकशी करत आहेत. शिवाय आज आरोपीला कोर्टासमोर हजर केलं जाणार आहे. त्यामुळे या प्रकरणी पुढे काय होणार पाहणं महत्त्वाचं ठरणार आहे.