आरोपींना कडक शिक्षा व्हावी, हिच पहिल्यादिवसापासून भूमिका – अमितेश कुमार
हा एक क्रूर गुन्हा आहे. त्यामुळे याप्रकरणी रविवारी (१९ मे) आम्ही दोन अर्ज न्यायालयात सादर केले होते. त्यापैकी पहिला अर्ज म्हणजे अल्पवयीन आरोपीवर अल्पवयीन म्हणून नाही तर प्रौढ म्हणून त्याच्यावर कारवाई करण्यात यावी. दुसऱ्या अर्जात आम्ही मागणी केली होती की जोपर्यंत या अर्जावर निर्णय होत नाही तोपर्यंत त्याला १४ दिवस रिमांड होमला पाठवण्यात यावे. पण, आमचे दोन्ही अर्ज न्यायालयाने फेटाळून लावले. अल्पवयीन आरोपीला बालसुधार गृहात पाठवण्याची जी आमची विनंती अमान्य केली.
पहिल्या दिवसापासूनच आम्ही कायदेशीरप मार्गाने कारवाई करत आहोत. जी दुर्दैवी घटना घडली आहे ज्यामध्ये दोन निष्पाप लोकांना आपला जीव गमवावा लागला आहे. त्यांच्या आरोपींविरोधात कडक शिक्षा व्हायला पाहिजे. हिच भूमिका आमची पहिलेपासून राहिली आहे.
याप्रकरणी कोणत्याही प्रकारचा दबाव पोलिसांवर नव्हता, यापुढेही राहणार नाही हा विश्वास आहे. याप्रकरणी जे सीसीटीव्ही फुटेज प्राप्त झाले आहे, त्यामध्ये तो मद्यप्राशन करताना स्पष्टपणे दिसत आहे. त्याने एक ऑनलाइन पेमेंट केला आहे ज्याचं बिल दारुचं होतं. त्यावरुनही हे स्पष्ट होतं की त्याने मद्यप्राशन केलं होतं. आरोपीचे ब्लड रिपोर्ट आल्यानंतर सारं स्पष्ट होईल.
या गुन्ह्यात तीन लोकांना अटक करण्यात आली आहे. याच गुन्ह्यात वडिलांना ताब्यात घेण्यात आले आहे. त्यांना पुण्यात आणण्यात येत आहे. आरोपीचा ब्लड रिपोर्ट अजून प्राप्त झालेला नाही. मद्य प्राशन करण्याबाबत कोणताही निगेटीव्ह रिपोर्ट आलेला नाही. ब्लड रिपोर्ट लवकरात लवकर येईल, असंही त्यांनी सांगितलं आहे.
तसेच, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांचे फोन आले आहेत. त्यांनी तपासाबाबात सूचना केल्या आहेत. दोषींवर कडक कारवाईच्या सूचना त्यांनी दिल्या आहेत.
पबचे मालक आणि व्यवस्थापक यांना अटक करण्यात आली असून तिघांना आज कोर्टात हजर करणार. तर मुलाचे वडील विशाल अग्रवाल यांना उद्या कोर्टात हजर केले जाणार आहे.नदुसऱ्या गुन्ह्यातील चौथा आरोपी जयेश बोनकर याला देखील ताब्यात घेण्यात आले आहे. त्याला ही उद्या कोर्टात हजर केलं जाईल.
त्याशिवाय, मृतांचे नातेवाईक आणि मित्रांना वाईट वागणूक देण्याचे, त्यांना धमकावण्याचा प्रकार आमच्या कानावर आला आहेत. त्यावर आम्ही चौकशी करत आहोत. मात्र, नातोवाईकांकडून अद्याप कोणतीही तक्रार आलेली नाही. नातेवाईकांना वाईट वागणूक आणि आरोपींना प्रत्यक्ष-अप्रत्यक्ष मदत करणाऱ्या पोलीस कर्मचाऱ्यांवर-अधिकाऱ्यांवर कठोर कारवाई केली जाईल, असंही अमितेश कुमार यांनी सांगितलं.