लोकसभा निवडणुकीची औपचारिक घोषणा होण्याआधीपासूनच देशभरात चर्चेत राहिलेल्या बारामती मतदारसंघाची निवडणूक आज, मंगळवारी होणार आहे. या वर्षी बारामती लोकसभा मतदारसंघातील मतदारांची संख्या २३ लाख ७२ हजार असून, त्यापैकी प्रचारात अखेरच्या दिवसापर्यंत रंगतदार ठरलेल्या या लढतीचा सारा कौल आता मतदारांच्या हाती आहे.
रोहित पवार यांचे आरोप
पीडीसीसी बँकेच्या वेल्हे शाखेतील #घड्याळ बहुतेक बंद पडलंय…. आत्ता रात्रीचे 12 वाजले तरी बँक सुरू आहे… कदाचित उद्या मतदानामुळे आज रात्रभर #ओव्हर_टाईम सुरू असावा… निवडणूक आयोग दिसतंय ना? असा प्रश्न रोहित पवार यांनी ‘एक्स’वर काही व्हिडिओ शेअर करत विचारला.
बारामती मतदारसंघात चक्क पोलिस ‘बंदोबस्तात’ पडतोय पैशांचा पाऊस… यासंदर्भात भोर तालुक्यातील काही व्हिडिओ शेअर करतोय… यामध्ये भोर तालुक्यातील ‘अजितदादा मित्रमंडळा’चा पदाधिकारी आणि मावळमधील एका नेत्याचे कार्यकर्तेही दिसतायेत… यासाठीच पाहीजे होती का ‘Y’ दर्जाची सुरक्षा? असा प्रश्नही रोहित पवार यांनी ‘एक्स’वर उपस्थित केला आहे.
Read Latest Maharashtra News Updates And Marathi News
दरम्यान, बारामती लोकसभा मतदारसंघात बारामती, दौंड, इंदापूर, पुरंदर, भोर आणि खडकवासला या सहा विधानसभा मतदारसंघाचा समावेश आहे. बारामतीमध्ये गेल्या तीन निवडणुकांमध्ये सुप्रिया सुळे विजयी झाल्या आहेत. यंदा प्रथमच त्यांच्यासमोर घरातूनच कडवे आव्हान उभे राहिले असून, अजित पवार यांच्या पत्नी सुनेत्रा पवार यांच्या उमेदवारीमुळे या लढतीबाबत पहिल्या दिवसापासून सर्वांना उत्सुकता आहे.
फडणवीसांकडे राजकीय इच्छाशक्ती, राष्ट्रहिताची निर्णयक्षमता मोदींमध्ये, उज्ज्वल निकम यांची स्तुतिसुमनं
राष्ट्रवादी काँग्रेस (शरदचंद्र पवार) पक्षाचे अध्यक्ष शरद पवार यांनी संपूर्ण बारामती लोकसभा मतदारसंघ पिंजून काढला आहे, तर उपमुख्यमंत्री अजित पवार यांनीही जुन्या वादांना पूर्णविराम देऊन, सुनेत्रा यांच्या विजयासाठी नवी समीकरणे जोडली आहेत.