रुग्णालयात आजारी पत्नीला पाहायला निघाला, वाटेत अनर्थ घडला; तरुणाच्या जाण्याने अख्ख गाव हळहळलं

ट्रॅक्टर चालकाने दिलेल्या माहितीनुसार, दुचाकी मिरजेकडून बेडगच्या दिशेने जात होती. त्यावेळी दुचाकीला रिक्षाने धडक दिल्याने दुचाकीस्वार ट्रॅक्टरच्या चाकाखाली पडला होता. परंतु, डोक्यावर पडल्याने दुचाकीस्वाराचा जागीच मृत्यू झाला. बोलवाड येथे अपघात झाल्यानंतर तात्काळ या घटनेची माहिती उपस्थितांनी पोलिसांना दिली. त्यानंतर पोलिसांनी घटनास्थळी दाखल होत पंचनामा केला. या प्रकरणी ग्रामीण मिरज पोलीस ठाण्यात नोंद करण्यात आली आहे.
Ulhasnagar News : लोकलमधून पडून २५ वर्षीय तरुणाचा मृत्यू, उल्हासनगर – अंबरनाथ दरम्यान रेल्वे अपघातात दुर्दैवी अंत

पत्नी दवाखान्यात, तिला पाहायला जाताना पतीचा मृत्यू –

पांडुरंग पवार यांची पत्नी मिरज येथील एका दवाखान्यात उपचार घेत आहे. अॅडमिट असलेल्या पत्नीला रुग्णालयात पाहायला जाताना त्यांचा असा दुर्दैवी अंत झाला. पांडुरंग यांचा अपघातात मृत्यू झाल्यानंतर शिंदेवाडीमध्ये शोककळा पसरली आहे. हसत्या – खेळत्या तरुणाचा अशाप्रकारे मृत्यू झाल्याने परिसरात हळहळ व्यक्त होत आहे.
Solapur News : रात्री दारूच्या नशेत पत्नीला ठार केलं; नशा उतरल्यावर पश्चाताप, सकाळी पतीचं टोकाचं पाऊल
हॅम रस्त्याच्या कामामुळे अपघात वाढले आहेत. सध्या मिरज, बेडग, आरग, लिंगनूर, बेळंकी या रस्त्याचे हॅम योजनेतून रुंदीकरणाचे काम सुरू आहे. परंतु खोदकाम केलेल्या ठिकाणी रिफ्लेकटर, किंवा रस्ता बंद असल्याचे फलक लावण्यात आले नाहीत. यामुळे रात्रीच्या वेळी अनेक जण बाजूपट्टी, खोदकाम केलेल्या खड्ड्यात पडून जखमी झाले आहेत.

काही दिवसांपूर्वी एक चारचाकी घसरून अपघात घडला होता. अपघात झालेल्या ठिकाणी, अपघात होण्याच्या काही वेळापूर्वी बाजुपट्टीवर काळी माती टाकण्यात आलेली होती. तेथून कामाची वाहनं हलवून दहा ते पंधरा मिनिटं होण्यापूर्वी अपघात घडला होता.