लग्न सोहळ्यावरून परतताना भीषण अपघात, भरधाव कार नदीपात्रात कोसळली; पती-पत्नीसह तिघांचा जागीच अंत

मृतांमध्ये प्रसाद भलचांद्र खेडेकर (४०), प्रेरणा प्रसाद खेडेकर (३५) आणि वैष्णवी संतोष नार्वेकर (२३) यांचा समावेश आहे. तर जखमींमध्ये साक्षी संतोष नार्वेकर (४२), वरद संतोष नार्वेकर (२१) आणि समरजित प्रसाद खेडेकर या 5 वर्षीय बालकाचा समावेश आहे. हे सर्व सांगली आकाशवाणी केंद्रामागे असणाऱ्या गंगाधर नगर येथील रहिवासी आहेत.

सांगली MIDC मधील कंपनीत वायूगळती

दरम्यान, पाच दिवसांपूर्वी सांगलीतील कडेगाव तालुक्यातील शाळगावमधील MIDC मधील म्यानमार केमिकल कंपनीमधून मोठ्या प्रमाणावर वायूगळती झाल्याची माहिती समोर आली होती. या विषारी वायूमुळे अनेक लोक गंभीर झाले असून यातील ५ लोकांना कराडच्या सह्याद्री हॉस्पिटलमध्ये दाखल करण्यात आले होते. काही नागरिकांची प्रकृती चिंताजनक असल्याचं सांगण्यात आलं होतं. तर दोन महिलांचा उपचारादरम्यान मृत्यू झाला आहे. अनेक जणांना या वायूची बाधा झाली आहे. तर प्रशासनाने घटनास्थळी तात्काळ धाव घेत वायूगळती थांबवली.

सुचिता उथळे (वय ५०, रा. येतगाव, जि. सांगली) तर नीलम रेठरेकर (वय २६ रा. मसूर जि. सातारा) अशी मृत्यू झालेल्या महिलांची नावे आहेत. सध्या सह्याद्री हॉस्पिटलमध्ये अन्य पाच रुग्णांवरती आयसीयूमध्ये उपचार सुरू आहेत.