मुंबई : मुंबई, मुंबई उपनगर, ठाणे, रायगड, पालघर, रत्नागिरी आणि सिंधुदुर्ग जिल्ह्याला अतिमुसळधार पावसाचा इशारा देण्यात आला आहे. या पार्श्वभूमीवर विद्यार्थीहित लक्षात घेता व संभाव्य गैरसोय टाळण्यासाठी मुंबई विद्यापीठाच्या आज ९ जुलै २०२४ रोजी सकाळी आणि दुपारच्या सत्रात होणाऱ्या सर्व परीक्षा पुढे ढकलण्यात आल्या आहेत. या सर्व परीक्षांच्या सुधारित तारखा लवकरच जाहीर केल्या जाणार असल्याचे परीक्षा व मूल्यमापन मंडळाच्या संचालिका डॉ. पूजा रौदळे यांनी सांगितले.बहुतांश भागात पावसाने विश्रांती घेतली आहे. नवी मुंबईत देखील पावसाने विश्रांती घेतली आहे. मुंबईची लाईफलाईन म्हणजे लोकल देखील काही प्रमाणात पूर्वपदावर आलेली आहे. मात्र, लोकल सुरळीत पण उशिराने, अशा घोषणा स्टेशनवर होत आहेत. यार्डमध्ये पाणी भरल्याने सीएसएमटीला लोकल उशिरा येत आहेत. रस्ते देखील काही प्रमाणात पूर्ववत झालेले आहेत. तरी सकाळी आठपर्यंत काही रेड अलर्ट देण्यात आला आहे. भारतीय हवामान विभागाने मुंबई महानगराला अतिमुसळधार पावसाचा इशारा (रेड अलर्ट) दिला आहे. या पार्श्वभूमीवर, बृहन्मुंबई महानगरपालिकेची सर्व यंत्रणा सज्ज आहे. महानगरपालिका आयुक्त तथा प्रशासक श्री भूषण गगराणी स्वतः आपत्कालीन विभागात रात्री उपस्थित असून परिस्थितीचा आढावा घेत आहेत. आवश्यकता असेल तरच नागरिकांनी घराबाहेर पडावे, असे आवाहन बृहन्मुंबई महानगरपालिका प्रशासनाकडून करण्यात येत आहे.
दरम्यान, मुंबई शहरापेक्षा उपनगरात जास्त पाऊस झाला आहे. कुलाबा इथे वेधशाळेनं ८३.८ मिलीमीटर तर सांताक्रुझ वेधशाळेनं २६७.९ मिलीमीटर पावसाची नोंद केली आहे. महापालिकेच्या आकडेवारीनुसार काल सोमवारी पहाटे १ वाजल्यापासून ते सकाळी ७ वाजेपर्यंत उपनगरात काही ठिकाणी सुमारे ३०० मिलीमीटर पावसाची नोंद झाली आहे. मुंबई आणि कोकणात पावसाची शक्यता असली तरी अजूनही उर्वरित महाराष्ट्राला मात्र पावसाची वाट बघावी लागणार असल्याचं दिसतंय.पावसाची नोंद मिमीमध्ये
सोमवारी पावसामुळे झालेला खोळंबा
दरम्यान, मुंबई शहरापेक्षा उपनगरात जास्त पाऊस झाला आहे. कुलाबा इथे वेधशाळेनं ८३.८ मिलीमीटर तर सांताक्रुझ वेधशाळेनं २६७.९ मिलीमीटर पावसाची नोंद केली आहे. महापालिकेच्या आकडेवारीनुसार काल सोमवारी पहाटे १ वाजल्यापासून ते सकाळी ७ वाजेपर्यंत उपनगरात काही ठिकाणी सुमारे ३०० मिलीमीटर पावसाची नोंद झाली आहे. मुंबई आणि कोकणात पावसाची शक्यता असली तरी अजूनही उर्वरित महाराष्ट्राला मात्र पावसाची वाट बघावी लागणार असल्याचं दिसतंय.
पावसाची नोंद मिमीमध्ये
सांताक्रूझ १५४.२
कुलाबा १६१.२
भायखळा १६७.०
माटुंगा १६७.५
सायन १५८.५
दहिसर ११३.५
राम मंदिर १५६.०
विक्रोळी १२४.०
सोमवारी पावसामुळे झालेला खोळंबा
पहाटे ५.१५ – नाहूर-भांडूप धीम्या मार्ग बंद
पहाटे ६ – नाहूर-भांडूप धीमा मार्ग सुरू
सकाळी ६.३० – नाहूर-भांडूपदरम्यान जलद मार्ग बंद
सकाळी ८.३० – ठाणे-सीएसएमटी अप जलद मार्ग बंद
सकाळी ९ – नाहूर-भांडूप जलद मार्ग सुरू
सकाळी ९.३० – चुनाभट्टी येथे पाणी भरल्याने हार्बर बंद
सकाळी १०.३० – ठाणे-सीएसएमटी अप जलद सुरू
सकाळी ११ – वडाळा रोड-मानखुर्द वगळता हार्बर सुरू
दुपारी १.१० – वडाळा रोड-मानखुर्द लोकल सुरू
रात्री १०.२० – सीएसएमटी-मानखुर्द हार्बर मार्ग बंद