मुंबई: राज्यातील विधानसभेच्या २८८ जागांवर संघटनात्मक बांधणी करण्याच्या सूचना उद्धव ठाकरे यांनी शिवसेनेच्या पदाधिकाऱ्यांना दिल्या आहेत. असे असले तरी आम्ही महाविकास आघाडी म्हणून एकत्र विधानसभा निवडणूक लढवू याबाबत कोणी ही शंका घेऊ नये, असे ठाकरे गटाचे नेते संजय राऊत यांनी सोमवारी स्पष्ट केले. लोकसभा निवडणुकीनंतर आता राज्यात विधानसभा निवडणुकीच्या हालचालींना वेग आला आहे. विधानसभा निवडणूक आणि स्थानिक स्वराज्य संस्थांच्या होऊ घातलेल्या निवडणुकांच्या पार्श्वभूमीवर शिवसेना भवन येथे सोमवारी बैठक पार पडली. या बैठकीनंतर प्रसारमाध्यमांशी बोलताना राऊत यांनी संवाद साधला.
लोकसभेतील महाविकास आघाडीचे यश पाहता राज्यातील आगामी विधानसभा निवडणुकीत महाविकास आघाडी १८० ते १८५ जागा जिंकणार असल्याचा दावा त्यांनी केला. विधानसभा निवडणुकांच्या दृष्टीने उद्धव ठाकरे यांचा महाराष्ट्र दौरा होणार असल्याची माहितीही त्यांनी दिली. पावसाळा पाहता आम्ही इनडोअर बैठका घेणार असल्याचेही राऊत म्हणाले. दरम्यान, संजय राऊत यांनी सलग तिसऱ्यांदा पंतप्रधान झालेल्या नरेंद्र मोदीं यांच्यावर टीका केली.
लोकसभेतील महाविकास आघाडीचे यश पाहता राज्यातील आगामी विधानसभा निवडणुकीत महाविकास आघाडी १८० ते १८५ जागा जिंकणार असल्याचा दावा त्यांनी केला. विधानसभा निवडणुकांच्या दृष्टीने उद्धव ठाकरे यांचा महाराष्ट्र दौरा होणार असल्याची माहितीही त्यांनी दिली. पावसाळा पाहता आम्ही इनडोअर बैठका घेणार असल्याचेही राऊत म्हणाले. दरम्यान, संजय राऊत यांनी सलग तिसऱ्यांदा पंतप्रधान झालेल्या नरेंद्र मोदीं यांच्यावर टीका केली.
ते म्हणाले, की मोदी यांनी ओढून ताणून बनवलेले देशातील मंत्रिमंडळत आहे. नितेश बाबू आणि चंद्राबाबू या दोन टेकूंचा त्यांनी आधार घेतला आहे. हे दोन टेकू असून या टेकूंचाचा इतिहास सगळ्यांना माहिती आहे. २०२४ च्या लोकसभा निवडणुकीत भाजपला बहुमत नाही हे समोर आले, मोदींचा मुखवटा फाटला असून इकडून तिकडून बहुमत गोळा करून सरकार बनवण्यात आले आहे. मोदींचा लोकशाहीवर विश्वास नाही, मोदींनी सातत्याने त्यांच्या कारकिर्दीत लोकशाहीचा गळा घोटला असल्याची टिकाही संजय राऊत यांनी पंतप्रधान नरेंद्र मोदी यांच्यावर केली.