मान्सून पुढे सरकला
आयएमडीचे महासंचालक एम महापात्रा यांनी या बाबतची अधिक माहिती दिली आहे. ते म्हणाले की, “पुढील आठवड्यात मान्सून उत्तर सीमा मध्य भारताच्या काही भागात पोहोचेल, त्यामुळे उष्णतेची लाट निर्माण होण्याची शक्यता कमी आहे.” दरम्यान, मान्सून मध्य अरबी समुद्राच्या काही भागासह, कर्नाटकातील बहुतांश भाग तसेच महाराष्ट्र, तेलंगणा आणि आंध्र प्रदेशातील काही भागांमध्ये पुढे सरकला आहे.
पूर्व भारत, उत्तर प्रदेशमध्ये उष्णतेची लाट निर्माण होणार
वायव्य भारतात शुक्रवार पर्यंत पाऊस आणि ढगांचा गडगडाट सुरू राहण्याची शक्यता आहे. तर पूर्व भारत, उत्तर प्रदेश आणि उत्तर मध्य प्रदेशच्या काही भागांमध्ये उष्णतेची लाट निर्माण होणार असल्याचा अंदाज वर्तवण्यात आला आहे. तर काल दक्षिण उत्तर प्रदेश, दिल्ली आणि हरियाणा, उत्तर मध्य प्रदेश आणि पूर्व राजस्थानच्या काही भागात उष्णतेची लाट दिसून आली आहे.
मुंबईसह राज्यभरात पाणी टंचाई
मुंबईला पाणीपुरवठा करणाऱ्या तलाव व धरणांमधील पाणीसाठा कमी झाल्यामुळे मुंबईत सध्या ५ टक्के आणि १० टक्के पाणी कपात लागू करण्यात आली आहे. त्यामुळे महापालिकेकडून नागरिकांना पाणी जपून वापरण्याचे आवाहन करण्यात आले आहे. त्याचबरोबर राज्यात असलेल्या बहुतांश धरणांनी तळ गाठला आहे. यामुळे जलसंकट अधिक गडद झाले आहे. मराठवाडा, विदर्भातील अनेक जिल्ह्यांमध्ये पाणी टंचाईने भीषण रूप धारण