पुणे: आयएएस अधिकारी पूजा खेडकर यांच्या आई मनोरमा खेडकर यांना अखेर अटक करण्यात आली आहे. पुणे ग्रामीण पोलिसांनी मनोरमा खेडकर यांना महाड येथून अटक केली आहे. शेतकऱ्यांना बंदूक दाखवत धमकावल्या प्रकरणी त्यांच्यावर गुन्हा दाखल करण्यात आला होता, त्याचप्रकरणात त्यांना अटक करण्यात आली आहे.
मनोरमा खेडकर यांना महाडमधील हॉटेलमधून अटक करण्यात आली असून सध्या स्थानिक पोलीस ठाण्यात नोंद करुन पोलिस त्यांना पुण्याला घेऊन येत आहेत. मनोरमा खेडकर यांना पुण्यात आणल्यानंतर त्यांची चौकशी केली जाईल.
पुणे ग्रामीण पोलीस गेल्या काही दिवसांपासून मनोरम खेडकर यांचा शोध घेत होती. त्यांच्या पाथर्डी येथील गावी, मुंबई, पुण्यात त्यांचा शोध घेतला जात होता. त्या महाडमधील एका हॉटेलमध्ये लपून बसल्याची माहिती पोलिसांनी मिळाली, तिथून त्यांना अटक करण्यात आली आहे.