विरारमध्ये राम नवमीच्या कार्यक्रमात अज्ञात व्यक्तीकडून अंडे फेकल्याच्या आरोपावरून तणाव निर्माण झाला होता. पोलिसांनी तात्काळ हस्तक्षेप करून लोकांना शांत केले. त्यामुळे अनर्थ टळला. रेशन धारक लाभार्थ्यांना इ केवायसी करण्यासाठी 30 एप्रिलपर्यंत मुदत वाढ दिली आहे. इ केवायसी न करणाऱ्यांचे रेशन बंद होणार आहे. नाशिक महानगरपालिकेतील अतिरिक्त आयुक्त नियुक्तीस शिवसेना ठाकरे गटाने आक्षेप घेतला आहे. राज्य सरकारने तूर आणि हरभरा खरेदीचे आदेश काढले होते. मात्र शेतकऱ्यांनी खरेदी केंद्राकडे पाठ फिरवली आहे. हमीभावापेक्षा बाजारात अधिकचा दर मिळत असल्याने खरेदी केंद्रात शेतमाल देण्यापेक्षा खासगी व्यापाऱ्यांना माल दिला जात आहे. पुण्यात उन्हाचा तडाखा वाढणार आहे. पुणे शहरासह जिल्ह्यात तापमानाने चाळीशी ओलांडली आहे. यासह महाराष्ट्र, देश-विदेशातील, क्राडी, मनोरंजन क्षेत्रातील महत्वाच्या बातम्यांचे अपडेट्स वाचण्यासाठी दिवसभर हा ब्लॉग फॉलो करा.
Maharashtra Breaking News LIVE 7 April 2025 : राम नवमीच्या कार्यक्रमात अंडे फेकल्यावरुन तणाव
