मुंबई: महाराष्ट्रातील मडुरे ते गोव्यातील पेडणे स्थानकादरम्यान असलेल्या पेरनेम (पेडणे) बोगद्यात अतिवृष्टीमुळे चिखल-पाणी रुळांवर आले आहे. यामुळे कोकण रेल्वेवरील अप आणि डाउन मार्गावरील वाहतूक सायंकाळी पाच वाजल्यापासून बंद आहे. रेल्वे कर्मचाऱ्यांकडून रुळांवरील चिखल बाजूला करण्याचे काम सुरू करण्यात आले असले तरी अतिवृष्टीमुळे यात अडचणी येत आहेत. दरम्यान रेल्वे वाहतूक ठप्प असल्याने चार मेल-एक्स्प्रेस खोळंबल्या असून त्यांना जवळच्या रेल्वे स्थानकात नेण्याचे काम सुरू आहे. येत्या तासाभरात रेल्वे वाहतूक सुरु करण्याचे प्रयत्न आहेत, अशी माहिती कोकण रेल्वे प्रशासनाने दिली आहे.
मिळालेल्या माहितीनुसार, महाराष्ट्र आणि गोवा दरम्यान असलेल्या पेरनेम (पेडणे) बोगद्यात अतिवृष्टीमुळे चिखल-पाणी रुळांवर आले आहे. यामुळे कोकण रेल्वेवरील वाहतूक सायंकाळी पाच वाजल्यापासून बंद आहे. रेल्वे वाहतूक ठप्प असल्याने चार मेल-एक्स्प्रेस खोळंबल्या आहेत. येत्या तासाभरात रेल्वे वाहतूक सुरु करण्याचे प्रयत्न आहेत, अशी माहिती कोकण रेल्वे प्रशासनाने दिली आहे. तिरुवअनंतपुरम एक्स्प्रेस ही ट्रेन थांबवण्यात आली आहे. या ट्रेनमधून प्रवास करणारे प्रवासी तब्बल नऊ तास त्याच ठिकाणी थांबले आहेत. या ठिकाणी तब्बल नऊ तास अडकून असल्याची माहिती या मार्गावर प्रवास करणारे प्रवासी राजीव कदम यांनी ‘महाराष्ट्र टाइम्स’ जवळ बोलताना दिली. प्रवाशांसाठी चहा आणि बिस्किट पुड्यांची व्यवस्था करण्यात आली आहे.
मिळालेल्या माहितीनुसार, महाराष्ट्र आणि गोवा दरम्यान असलेल्या पेरनेम (पेडणे) बोगद्यात अतिवृष्टीमुळे चिखल-पाणी रुळांवर आले आहे. यामुळे कोकण रेल्वेवरील वाहतूक सायंकाळी पाच वाजल्यापासून बंद आहे. रेल्वे वाहतूक ठप्प असल्याने चार मेल-एक्स्प्रेस खोळंबल्या आहेत. येत्या तासाभरात रेल्वे वाहतूक सुरु करण्याचे प्रयत्न आहेत, अशी माहिती कोकण रेल्वे प्रशासनाने दिली आहे. तिरुवअनंतपुरम एक्स्प्रेस ही ट्रेन थांबवण्यात आली आहे. या ट्रेनमधून प्रवास करणारे प्रवासी तब्बल नऊ तास त्याच ठिकाणी थांबले आहेत. या ठिकाणी तब्बल नऊ तास अडकून असल्याची माहिती या मार्गावर प्रवास करणारे प्रवासी राजीव कदम यांनी ‘महाराष्ट्र टाइम्स’ जवळ बोलताना दिली. प्रवाशांसाठी चहा आणि बिस्किट पुड्यांची व्यवस्था करण्यात आली आहे.
वाहतूक सायंकाळी पाच वाजल्यापासून थांबवण्यात आली आहे, असं प्रशासनाकडून सांगण्यात आलं असलं तरी सुद्धा प्रवासी मात्र आम्ही तब्बल येथे आठ ते नऊ तास थांबून असल्याची माहिती देत आहेत. ही वाहतूक सुरु करण्यासाठी अजून एक तासाचा कालावधी लागेल, असे सांगण्यात आलं आहे. तरी वाहतूक नेमकी कधी सुरू होते, याकडे येथे थांबून राहिलेल्या प्रवाशांचे लक्ष लागले आहे. नेमका किती वेळ लागेल याची कोणतीही माहिती येथील प्रशासनाकडून आम्हाला देण्यात आलेली नाही अशीही प्रतिक्रिया प्रवासी राजीव कदम यांनी दिली आहे. दरम्यान घटनास्थळी कोकण रेल्वे प्रशासनाचे इंजिनिअर आणि दुरुस्ती पथक दाखल झाले असून युद्धपातळीवर हा मार्ग सुरू करण्यासाठी प्रयत्न सुरू आहेत.