जयंत पाटलांनी मौन सोडलं, गडकरींनीही सांगून टाकलं; पक्षप्रवेशावर नेत्यांची टोलेबाजी

केंद्रीय मंत्री नितीन गडकरी आणि राष्ट्रवादीचे शरद पवार गटाचे प्रदेशाध्यक्ष जयंत पाटील हे सांगलीच्या इस्लामपूरमध्ये एकाच व्यासपीठावर आले होते. यावरून माध्यमात आणि राजकीय वर्तुळात सुरू होणाऱ्या चर्चेचा गडकरी आणि जयंत पाटील या दोघांनी चांगलाच समाचार घेतला. आता नितीन गडकरी साहेब राष्ट्रवादीत जाणार, अशा बातम्या किमान तयार करू नका, असं जयंत पाटील यांनी म्हटलं.. तर जयंत पाटलांच्या विधानानंतर नितीन गडकरी यांनीही समाचार घेतला. जयंतराव तुम्ही राजकारणाचा फार विचार करू नका. आणि मला काही फरक पडला नाही,कोणाच्या लिहिण्यातून फार संवेदनशील व्हायचं नाही.शेवटी हे राजकारण आहे, असं म्हणत गडकरींनीही टोलेबाजी केली. आजचा कार्यक्रम हा राजकारणाचा नाही, तर जयंत पाटील माझे उत्तम मित्र आहेत,म्हणून मी या ठिकाणी आलो, असंही गडकरी म्हणाले.