घाटकोपर पूर्व येथील पेट्रोल पंपावरील होर्डिंग कोसळल्याच्या घटनेबाबत सीआर क्रमांक ३५३/२०२४, आयपीसी ३०४,३३८,३३७,३४ या अंतर्गत मालक भावेश भिडे आणि इतरांविरुद्ध पंतनगर पोलीस ठाण्यात गुन्हा दाखल करण्यात आला आहे. याप्रकरणी पंतनगर पोलीस पुढील तपास करत आहेत.
चार होर्डिंग उभारण्यात आले होते. त्यापैकी एक पडले. होर्डिंग ४० बाय ४० या साईजमध्ये असावे. मात्र हे कोसळलेलं होर्डिंग १०० बाय १२० असं भलंमोठं होर्डिंग उभारण्यात आलं होतं. मुंबईत सोमवारी आलेल्या वादळी पावसाने हे होर्डिंग कोसळलं. पाऊस आल्याने अनेकजण त्याखाली उभे होते. त्यांच्यावर हे कोसळलं आणि मोठी दुर्घटना घडली. चारपैकी एक होर्डिंग कोसळलं असून आता पुढील तीन होर्डिंग तात्काळ काढण्याचे आदेश आयुक्तांनी दिले आहेत.
मोठी अपडेट : घाटकोपर दुर्घटनेत तिघांचा मृत्यू, १०० जण अडकल्याची भीती; ५९ जखमी
महापालिकेकडून होर्डिंग लावणाऱ्याला याआधीच नोटिस पाठवण्यात आली होती. डिझास्टर अॅक्टअंतर्गत आता होर्डिंग लावणाऱ्या कंपनीसह बीएमसीकडून रेल्वेवरही गुन्हा दाखल करण्यात आला आहे.
मुख्यमंत्री एकनाथ शिंदे यांनी या दुर्घटनेत मृत्यू झालेल्यांच्या कुटुंबियांना ५ लाखांची मदत जाहीर केली आहे. त्याशिवाय अनधिकृत आणि धोकादायक होर्डिंग हटवणार असल्याचे आदेशही त्यांनी दिले आहेत. क्रेन आणि हायड्रा या मदतीने बचावकार्य सुरू आहे.