मुंबई : घाटकोपर येथील होर्डिंग दुर्घटना प्रकरणाची चौकशी करणाऱ्या गुन्हे शाखेच्या विशेष पथकाने ‘इगो मीडिया’ जाहिरात कंपनीची माजी संचालिका जान्हवी मराठे आणि सिव्हिल कंत्राटदार सागर कुंभार यांना शनिवारी गोव्यातून अटक केली. न्यायालयाने अटकपूर्व जामीन अर्ज फेटाळल्यानंतर पोलिसांचे पथक जान्हवीच्या मागावर होते. या दोघांच्या अटकेनंतर या प्रकरणातील अटक आरोपींची संख्या चार झाली आहे.
पूर्व द्रुतगती महामार्गावर घाटकोपर येथे १३ मे रोजी अवाढव्य होर्डिंग पेट्रोल पंपावर कोसळल्याने १७ जणांचा मृत्यू झाला, तर ५०हून अधिक जण जखमी झालेत. गुन्हा दाखल करून गुन्हे शाखेने ‘इगो मीडिया’चा संचालक भावेश भिंडे याला उदयपूर येथून अटक केली. भिंडे न्यायालयीन कोठडीत असतानाच मुलुंड येथील अभियंता मनोज संघू याला अटक करण्यात आली. संघू महापालिकेचा मान्यताप्राप्त अभियंता असून, त्यानेच ‘इगो मीडिया’ला १२० फूट वाय १४० फूट आकाराच्या होर्डिंगसाठी स्थिरता प्रमाणपत्र दिले होते.
‘इगो मीडिया’ची माजी संचालिका जान्हवी मराठे हिने अटकेच्या भीतीने न्यायालयात धाव घेतली होती. तिचा जमीन अर्ज फेटाळताच पोलिसांची पथके तिच्या मागावर होती. पोलिसांनी तिला गोवा येथील एका हॉटेलमधून अटक केली. तिच्यासोबत कंत्राटदार सागर कुंभार यांच्याही मुसक्या आवळण्यात आल्या. या प्रकरणात महापालिका आणि रेल्वेच्या काही अधिकाऱ्यांची चौकशी सुरू असल्याचे पोलिसांनी म्हटले आहे.
पूर्व द्रुतगती महामार्गावर घाटकोपर येथे १३ मे रोजी अवाढव्य होर्डिंग पेट्रोल पंपावर कोसळल्याने १७ जणांचा मृत्यू झाला, तर ५०हून अधिक जण जखमी झालेत. गुन्हा दाखल करून गुन्हे शाखेने ‘इगो मीडिया’चा संचालक भावेश भिंडे याला उदयपूर येथून अटक केली. भिंडे न्यायालयीन कोठडीत असतानाच मुलुंड येथील अभियंता मनोज संघू याला अटक करण्यात आली. संघू महापालिकेचा मान्यताप्राप्त अभियंता असून, त्यानेच ‘इगो मीडिया’ला १२० फूट वाय १४० फूट आकाराच्या होर्डिंगसाठी स्थिरता प्रमाणपत्र दिले होते.
‘इगो मीडिया’ची माजी संचालिका जान्हवी मराठे हिने अटकेच्या भीतीने न्यायालयात धाव घेतली होती. तिचा जमीन अर्ज फेटाळताच पोलिसांची पथके तिच्या मागावर होती. पोलिसांनी तिला गोवा येथील एका हॉटेलमधून अटक केली. तिच्यासोबत कंत्राटदार सागर कुंभार यांच्याही मुसक्या आवळण्यात आल्या. या प्रकरणात महापालिका आणि रेल्वेच्या काही अधिकाऱ्यांची चौकशी सुरू असल्याचे पोलिसांनी म्हटले आहे.