‘इगो मीडिया प्रायव्हेट लिमिटेड’ जाहिरात एजन्सी आणि होर्डिंग कंपनीचा मालक भावेश भिंडे हा मुंबईच्या घाटकोपरमध्ये कोसळलेल्या अनधिकृत होर्डिंगला जबाबदार असल्याचं समोर आलं आहे.
घाटकोपरमध्ये होर्डिंग कोसळून मोठी दुर्घटना
सोमवारी मुंबईसह उपनगराला जोरदार वादळी वारा आणि पावसाने झोडपले. यावेळी घाटकोपर येथील एका पेट्रोल पंपावर काही वाहनं इंधन भरण्यासाठी थांबलेली होती. तर काही वाहनं ही या वादळी वाऱ्यापासून बचाव व्हावा म्हणून थांबलेली होती. पण, याचदरम्यान तिथे मृत्यूतांडव पाहायला मिळालं. कोणाला काही कळेल याआधीच १२० फूट उंच आणि २५० टन वजनाचे एक बेकायदेशील जाहिरात होर्डिंग थेट पेट्रोल पंपावर कोसळले. या भीषण दुर्घटनेत १४ जणांना आपला जीव गमवावा लागला तर ७० पेक्षा अधिकजण जखमी झाले आहेत. जेव्हा हे होर्डिंग पेट्रोल पंपावर कोसळलं तेव्हा तिथे तब्बल १५० वाहनं होती.
कोण आहे भावेश भिंडे?
भावेश भिंडे हे इगो मीडिया प्रायव्हेट लिमिटेडचे संचालक आहेत. हीच जाहिरात एजन्सी घाटकोपर येथे कोसळलेल्या बेकायदेशील होर्डिंगच्या उभारण्यासाठी जबाबदार असल्याचं सांगितलं जात आहे.