घाटकोपर येथील बचाव कार्याची माहिती देताना NDRFचे सहाय्यक अधिकारी निखिल मुधोळकर यांनी दिलेल्या माहितीनुसार घटनास्थळी गॅस कटरचा वापर करता येत नाही कारण पेट्रोल पंप आहे. येथे गॅसोलीनचा वापर करणाऱ्या कटरचा उपयोग करता येत नाही.
अधिकाऱ्यांनी दिलेल्या माहितीनुसार कोसळलेल्या बोर्डाच्या खालून आतापर्यंत ८९ जणांना बाहेर काढण्यात आले असून त्यापैकी १४ जणांचा मृत्यू झालाय तर ७५ जण जखमी आहेत. या सर्व जखमींवर मुंबई आणि ठाणे जिल्ह्यातील विविध सहा रुग्णालयात उपचार सुरू आहेत.
या घटनेतील ७५ जखमींपैकी ३२ लोकांना रुग्णालयातून सोडण्यात आले आहे. घाटकोपरच्या राजावाडी रुग्णालयात ३५ , ४ जणांना लो.टिळक, तिघांना जोगेश्वरीच्या एचबीटी रुग्णालयात दाखल करण्यात आले आहे. पालिकेच्या अधिकाऱ्याने दिलेल्या माहितीनुसार जखमीपैकी एकाची प्रकृती गंभीर आहे.
मदत आणि बचाव पथकात १२५ कर्मचारी दोन जेसीबी, दोन गॅस कटर आणि २५ रुग्णवाहिका आणइ दोन हेव्ही ड्यूटी क्रेन आणि दोन हाइड्रा क्रेन आहेत. याच बरोबर मुंबई महानगल पालिकेचे ७५ आणि MMRDAचे ५० कर्मचारी आहेत.