BOOM ने या दाव्याची पडताळणी केली, त्यावेळी हा दावा खोटा असल्याचं आढळलं. बूमच्या तपासात असं आढळून आलं की, व्हिडिओमध्ये अखिलेश यादव यांच्यावर चपला, नव्हे तर फुलांचे हार फेकले जात आहेत. हा व्हिडिओ गेल्या महिन्यात २७ एप्रिल २०२४ चा आहे.
व्हायरल व्हिडिओची चौकशी करताना बूमच्या टीमला अखिलेश यादव यांच्या कन्नौजमधील रोड शोशी संबंधित एक व्हिडिओ सापडला. पण त्या व्हिडिओमध्ये शूज आणि चप्पलचा उल्लेख नाही. व्हिडिओ इन्स्टाग्राम vikasyadavauriyawala ने आपल्या अकाऊंटवर पोस्ट केली आहे. हा व्हिडिओ २ मे रोजी अपलोड करण्यात आला होता. इथे पाहा व्हायरल व्हिडिओ आणि अर्काइव्ह लिंक.
बूमच्या टीमने हे अकाऊंट तपासलं असता ते एका विशिष्ट पक्षाचे समर्थक असल्याचं आढळून आलं. व्हिडिओचे अनेक स्क्रीनशॉट घेऊन ते तपासले असता, रोड शोमध्ये फुलांचे हार टाकले जात असल्याचं स्पष्टपणे दिसत आहे.
बूमने पडताळणी करताना कन्नौजचे स्थानिक रिपोर्टर पंकज श्रीवास्तव यांच्याशी चर्चा केली तेव्हा त्यांनी सांगितलं, की त्यावेळी ते तेथे उपस्थित होते. तेथे चप्पल फेकण्याची कोणतीही घटना घडली नाही. सर्व लोक स्थानिक आमदारावर पुष्पहार फेकत होते. रेखा वर्माही त्या रस्त्यावर हजर होत्या. त्यानंतर बूम टीमनेही त्यांच्याशी याबाबत चर्चा केली असता त्यांनी तेथे फुलं आणि हार फेकले जात असल्याचं सांगितलं. शूज आणि चप्पल फेकल्याचं प्रकरण पूर्णपणे चुकीचं आहे.
रोड शो दरम्यान लोक सपाच्या समर्थनार्थ घोषणा देत होते, सर्वजण आनंदात होते. अशा परिस्थितीत शूज आणि चप्पलबाबतचा दावा पूर्णपणे चुकीचा आहे. त्या दिवशीच्या रोड शोचा संपूर्ण व्हिडिओ येथे पाहा.
निष्कर्ष
BOOM च्या तपासात कन्नौजच्या रॅलीत सपा अध्यक्ष अखिलेश यादव यांच्यावर बूट आणि चप्पल फेकल्याचा दावा पूर्णपणे खोटा असल्याचं समोर आलं आहे. निवडणुकीदरम्यान दुष्प्रचारासाठी हा दावा केला जात आहे. अखिलेश यादव यांच्यावर चपला नाही, तर फुलांचे हार फेकण्यात आले.
(This story was originally published by Boom, and republished by MT as part of the Shakti Collective.)