फडणवीस आणि उद्धव ठाकरे हे लिफ्टमध्ये एकत्र आल्यानंतर पत्रकारांशी बोलताना मुख्यमंत्री एकनाथ शिंदे म्हणाले, लिफ्टमध्ये एकत्र आल्याने तुम्हाला काही वाटेत का? असा प्रश्न त्यांनी केला. कोणी लिफ्ट मागितली तरी ते सहाव्या मजल्यापर्यंत पोहोचणार नाही. दोन वर्षापूर्वी लिफ्ट शिफ्ट केली आणि काँग्रेसच्या लिफ्टमध्ये गेल्याने आम्ही जनतेच्या लिफ्टमध्ये आलो. महाराष्ट्रातील जनतेच्या मनातील सरकार आम्ही स्थापन केले.
लोकसभा निवडणुकीत भाजपने २४० जागा जिंकल्या तेव्हढ्या जागा इंडिया आघाडीला मिळवला आल्या नाहीत. ही गोष्ट काही लोक छाती फुगवून सांगत आहेत. या देशातील जनतेने नरेंद्र मोदी यांना पुन्हा पंतप्रधान केल्याचे एकनाथ शिंदे म्हणाले.
नाना करते प्यार.. फडणवीस भेटीवर ठाकरेंचं भाष्य; मविआचा चेहरा कोण? एका शब्दात विषय संपवला
उद्धव ठाकरे यांनी हे अधिवेशन राज्य सरकारच्या निरोपाचे अधिवेशन असेल असे म्हटले होते. त्याला उत्तर देताना मुख्यमंत्री शिंदे म्हणाले, निरोप कोण कोणाला देई हे येणारा काळ ठरवेल. हे अधिवेशन निर्धाराचे आहे. पुण्यातील ड्रग्ज प्रकरणी आपण स्वत:आयुक्तांशी बोलल्याचे शिंदे यांनी सांगितले. तरुण पिढी ड्रग्जमध्ये बरबाद होत आहे. त्यामुळे ड्रग्ज संबंधीत ज्या वस्तू असतील त्या मुळासकट काढून टाका,असे मुख्यमंत्री म्हणाले.
२०१९च्या निवडणुकीनंतर भाजप आणि शिवसेनेचे मार्ग वेगवेगळे झाले. त्यानंतर उद्धव ठाकरे आणि देवेंद्र फडणवीस यांनी एकमेकांवर जोरदार टीका केली आहे. इतक्या वर्षात दोन्ही नेते कधीच समोरासमोर भेटले नव्हते. आज विधिमंडळाच्या पावसाळी अधिवेशनात दोन्ही नेते एकाच लिफ्टमधून प्रवास केल्याने त्याची राज्यभरात चर्चा झाली.