महाराष्ट्रात तीन दिवस ‘ड्राय डे’
होय, सोमवार २० मे रोजी मुंबईसह राज्यातील विविध शहरांमध्ये लोकसभा निवडणुकीच्या पाचव्या टप्प्यातील मतदान पार पडणार आहे. याच पार्श्वभूमीवर शनिवार ते पुढील आठवड्यात सोमवारपर्यंत दारूची दुकाने आणि बार बंद राहणार आहेत. पाचव्या टप्प्यातील मतदानापूर्वी मुंबई शहरात प्रशासनाने १८ ते २० मे दरम्यान ड्राय डे जाहीर केला आहे. लोकसभा निवडणुकीच्या पाचव्या टप्प्यात मुंबई, पालघर, कल्याण आणि ठाणे या महाराष्ट्रातील प्रमुख मतदार संघांमध्ये २० मे रोजी मतदान होणार असल्यामुळे या मतदारसंघांमध्ये देखील ‘ड्राय डे’ पाळला जाणार आहे.
भारतीय निवडणूक आयोगाच्या (ECI) निर्देशानुसार, ज्या मतदारसंघात निवडणूक होणार आहे आणि नजीकच्या मतदारसंघांनी ‘ड्राय डे’ पाळणे आवश्यक आहे. प्रभावित भागात निष्पक्ष आणि शांततापूर्ण निवडणूक प्रक्रिया सुनिश्चित करण्यासाठी उपाय करण्यात आला आहे.
West Bengal: मुस्लिम मतदार कोणत्या पक्षास अनुकूल? मत खेचण्यासाठी भाजपसह ‘तृणमूल’कडून प्रयत्न सुरु
दारूची दुकाने कधी-कधी बंद राहणार
अहवालानुसार, मुंबई शहरात १८ मे रोजी संध्याकाळी ५ वाजल्यापासून दारूची दुकाने आणि बार बंद राहतील. त्यानंतर, १९ मे रोजी दिवसभर बंद राहतील आणि २० मे रोजी संध्याकाळी ५ नंतर उघडतील. मतदानाच्या दिवशी सर्व दारूची दुकाने आणि बार दिवसभर बंद राहणार असून ४ जून रोजी होणाऱ्या मतमोजणीच्या वेळी मुंबईत पुन्हा ‘ड्राय डे’ जाहीर करण्यात आला आहे. यापूर्वी पुणे, शिरूर आणि मावळ मतदारसंघात १३ मे रोजी मतदान क्षेत्रात ‘ड्राय डे’ घोषित करण्यात आला होता.
Mobile Recharge: निवडणूक संपताच महागाई वाढणार! तुमच्या मोबाईलचं बिल महागणार, पाहा किती रुपये मोजावे लागणार
याशिवाय महाराष्ट्रासह संपूर्ण देशात होळी, दिवाळी, गांधी जयंती, १५ ऑगस्ट आणि २६ जानेवारी अधिकृतपणे ‘ड्राय डे’ म्हणून पाळले जातात. म्हणजे या दिवशी कुठेही दारू दिली किंवा विकली जात नाही. दुसरीकडे, अहवलानुसार लोकसभा निवडणूकांमुळे हरियाणाच्या गुडगावमध्ये २३ मे रोजी संध्याकाळी ६ ते २५ मे रोजी संध्याकाळी ६ वाजेपर्यंत ‘ड्राय डे’ पाळला जाईल. तसेच या दिवशी दिल्ली-एनसीआरमध्येही दारू विक्रीवर बंदी असेल.